A GUARDA

A DIRECTORA XERAL DE COMERCIO E O DELEGADO TERRITORIAL DA XUNTA, VISITARON, XUNTO CO ALCALDE DE A GUARDA,  A PRAZA DE ABASTOS

O delegado Territorial da Xunta de Galicia en Pontevedra, José Manuel Cores Tourís e a Directora Xeral de Comercio, Sol María Vázquez Abeal, xunto co alcalde e membros da Corporación Municipal de A Guarda

Infogauda / A Guarda

 O delegado Territorial da Xunta de Galicia en Pontevedra, José Manuel Cores Tourís e a Directora Xeral de Comercio, Sol María Vázquez Abeal, visitaron, xunto o alcalde de A Guarda, Antonio Lomba Baz, a Praza de Abastos.

 Neste encontro tamén estiveron presentes a Concelleira de Comercio, Montserrat Magallanes Álvarez, o Concelleiro de Vías e Obras, Miguel Ángel Español Otero e a portavoz do PP, Conchi Ortega Martínez.

 O motivo desta visita, tal e como declarou, Sol María Vázquez, foi "coñecer de primeira man ós traballos de reforma que comezarán nos próximos días na Praza de Abastos. Estas obras reformarán a primeira planta da praza. Así, está previsto colocar un chan novo, quitar a bancada que está no centro da planta e colocar uns postos de aceiro movibles, unificar a vista dos diferentes postos e crear un espazo para a limpeza do pescado".

 Nesta praza, xa fai dous anos, reformouse a primeira planta. Espazo onde están os postos de carnicería e legumes.

 Estes traballos teñen un orzamento de máis de 128.000 euros, dos cales, o 70% están subvencionados pola Xunta de Galicia e os outro 30% vén de parte do Concello.

 Dentro desta partida, ademais, hai unha parte que está adicada á formación dos propios praceiros. Así, para a primeira semana de outubro, están programados uns cursos de titoría e adestrador para os traballadores da praza.

José Manuel Cores Tourís, Sol María Vázquez Abeal, Antonio Lomba Baz e Miguel Ángel Español Otero.

“Este edificio é histórico polo que precisa modernizarse”, afirmou o alcalde da Guarda, Antonio Lomba, tras a visita.

 Ademais, Lomba, aproveitou a visita de Cores Tourís e de Sol María Vázquez para afirmar que son moitas máis as actuacións que precisa a Praza polo que espera que en vindeiros anos, dende a Xunta de Galicia, continúen existindo estas partidas para conseguir remodelar e adecuar estes edificios. “Buscamos que a nosa Praza sexa atractiva tanto para os veciños de A Guarda, coma para os nosos visitantes e por suposto para os praceiros”, afirmou o alcalde.

Unha praceira expón diante das autoridades, súa opinión sobre á Praza de Abastos de A Guarda

 Así, tal e como xe dixo, as obras que se levarán a cabo neste edificio estarán consensuadas tanto cós traballadores da Praza coma cós usuarios da mesma.