A GUARDA

O ALCALDE ANTONIO LOMBA BAZ, E O CONCELLEIRO MIGUEL ÁNGEL ESPAÑOL OTERO MANTIVERON UNHA REUNIÓN CÓS TRABALLADORES DO GES

Nesta reunión, puidéronse fixar ás canles de comunicación que unirán ó equipo de goberno con este Grupo de Emerxencias

Antonio Lomba Baz - á dereita da imaxe - e Miguel Ángel Español Otero  - á esquerda - aproveitaron este encontro para, de maneira oficial, facer entrega ó persoal dos GES dun remolque de emerxencias entregado pola Xunta de Galicia. 

Foto: C.A.G.  

Infogauda / A Guarda

 O alcalde de A Guarda, Antonio Lomba Baz, e o Concelleiro delegado do Grupo de Emerxencia Supramunicipal (GES), Miguel Ántgel Español Otero, mantiveron hoxe unha reunión cos traballadores do GES.

 Este encontro, que tivo lugar na sede do GES e que o equipo municipal cualificou de “moi satisfactorio” serviu para que o persoal puidera trasladar tanto o alcalde guardés coma ó concelleiro, as súas demandas, por exemplo de material.

 Ademais, nesta reunión, puidéronse fixar ás canles de comunicación que unirán ó equipo de goberno con este Grupo de Emerxencias.

 Antonio Lomba Baz e Miguel Ángel Español Otero aproveitaron este encontro para, de maneira oficial, facer entrega ó persoal dos GES dun remolque de emerxencias entregado pola Xunta de Galicia. Esta dotación forma parte dunha concesión da Xunta que tamén contempla unha zodiac que se entregará nos próximos meses.