OS PARTICIPANTES NO VIII TORNEO DE VOLEI PRAIA DA GUARDA
DONAN 35 QUILOGRAMOS DE COMIDA Ó BANCO DE ALIMENTOS
Resultaron gañadores deste campionato a parella formada por Lexo e Gabri e subcampións Koke e Diego. De terceiros quedaron Piño e Rafa e cuartos Yago e Víctor
Fermosa imaxe de un dos encontros do Torneo de Volei Praia, 2015
Fotos: C. A. G.
Infogauda / A Guarda
A pasada fin de semana celebrouse na praia da Lamiña, en Camposancos (A Guarda) ó VIII Torneo de Volei Praia,
organizado polo Concello da localidade.
A inscrición para este campionato, no que participaron
dezaseis parellas, foi gratuíta, pero a organización invitaba a doar algún
paquete de comida ó Banco de Alimentos municipal. En total recolléronse 35
quilogramos de comida entre as que se distinguía, por exemplo, paquetes de
arroz ou pasta, galletas, botes de cacao, latas de conservas ou botellas de
aceite.
Todos estes paquetes xa se encontran no Banco de
Alimentos e dende a Concellería de Servizos Sociais, da que está ó fronte a
concelleira María Teresa Vicente Baz, comezarán co seu reparto entre as familias
que máis o precisan.
Éxito do Torneo
As dezaseis parellas participantes no VIII Torneo de
Volei Praia organizado polo Concello de A Guarda mostráronse moi satisfeitas polo
resultado.
Na imaxe as parellas dos gañadores, xunto con segundos, terceiros e cuartos clasificados no torneo
Finalmente, resultaron gañadores deste campionato a
parella formada por Lexo e Gabri e subcampións Koke e Diego. De terceiros
quedaron Piño e Rafa e cuartos Yago e Víctor.
Ningún comentario:
Publicar un comentario