A GUARDA

CONVERXENCIA GALEGA REITERA UNHA POSIBLE ALEGALIDADE NA ACTUACIÓN DE UN FUNCIONARIO MUNICIPAL

Desde setembro do ano 2.012, este Grupo Político, escomenzou a denuncia-la irregularidade de que funcionarios e empregados municipais, os cales non podían substituir nin asumir o posto de Funcionarios de Habilitación Nacional

Beatriz Estévez Álvarez, Concelleira-Portavoz de Converxencia Galega no Concello  de A Guarda

Infogauda / A Guarda

A traverso da súa concelleira-portavoz, Beatriz Estévez Álvarez, o Grupo Municipal de Converxencia Galega no Concello de A Guarda, ven de presentar no rexistro municipal de entradas o seguinte escrito:

SOLICITUDE DE CERTIFICACIÓN DO DEPARTAMENTO XURÍDICO DO CONCELLO

 Beatriz Estévez Álvarez, Concelleira-Portavoz de Converxencia Galega no Concello  de A Guarda, por medio de este escrito,

 EXPÓN: 

 Que no mes de setembro do ano 2.012, este Grupo Político, escomenzou a denuncia-la irregularidade de que funcionarios e empregados municipais, os cales non podían substituir nin asumir o posto de Funcionarios de Habilitación Nacional con plaza ou destinados neste Concello por cuestións que non son competencias súas, ou por non ter a titulación académica oficial para cubri-la a vacante ou ausencia de dito Funcionario de Habilitación Nacional.

 Despois de transcurridos varios meses, o Goberno Municipal, daba a impresión de que había quedado claro que cando había unha baixa temporal por enfermedade, formación e/ou traslado, había que solicitar da Administración correspondente a un funcionario  de igual categoría e estudos para cubrir esa sustitución e/ou plaza.

 Nestes momentos nos atopamos que seguimos inmersos no mesmo erro, e dende o Goberno Municipal se procede a “ubicar” a amigos/as en prazas polas que acceder a un sobre-soldo, nunha situación cando menos “alegal” e para mostra un botón: en diversas datas e especialmente o do empregado municipal (Sr. José Carlos Martínez Crespo) atopamos documentos nos que actua como Secretario Accidental por ausencia da titular desa praza.

 Tendo en conta que dito empregado (Sr. José Carlos Martínez Crespo) non é funcionario de habilitación nacional para poder cubrir esa ausencia temporal/interinidade, xa que para poder ocupar esas funcións deberá estar en posesión da titulación académica oficial que lle sinala a Lei 7/2007 (E.B.E.P.) os funcionarios do Grupo A-1 (Licenciatura Universitaria)

 No suposto caso de non ter a titulación requerida, queda reflexado que non pode desempeñar tales funcións, o cal levaría a que os diversos escritos/documentos que sexan redactados e/ou asinados por (Sr. José Carlos Martínez Crespo) serían nulos.

 Beatriz Estévez Álvarez, en representación de Converxencia Galega solicita unha certificación do Órgano Municipal dende o cal se decretou a sustitución/ocupación da suplencia da titular da Secretaría do Concello polo Sr. José Carlos Martínez Crespo, reflexando a titulación académica oficial necesaria para desenpeñar a función referida no Grupo A-1 que corresponde aos Funcionarios de Habilitación Nacional.

 No caso contrario, que se declaren nulos os informes e actos administrativos elaborados polo auxiliar administrativo Sr. José Carlos Martínez Crespo, xa que consideramos que se está vulnerando o artigo 53-1 da Lei 30/1992, o ser un acto administrativo o que fai referencia o artigo 62-1B da mesma Lei (nulidade de pleno dereito dos actos dictados por órgano manifestamente incompetente).

A Guarda, a 29 de abril do 2.015

Beatriz Estévez Álvarez     

 Representante de  Converxencia Galega

Sr. Alcalde-Presidente do Concello de A Guarda