TUI

A DEPUTACIÓN DE PONTEVEDRA INVESTIRÁ 153.000 € NA RENOVACIÓN DO CÉSPEDE DO CAMPO DE ÁLVAREZ DURÁN EN  TUI

·        A xunta de goberno aprobou investir 153 mil euros na mellora destas instalación deportivas da parroquia de Randufe

Infogauda / Tui

 Na xuntanza celebrada onte venres, a Deputación acordou  financiar con fondos do Plan Provincial de Obras e Servizos 2015(PPOS) a substitución do actual céspede artificial do campo de fútbol de Álvarez Dúran  por outro de última xeración.

 Ubicado nas instalacións deportivas Álvarez Durán, o campo foi construido hai 9 anos. Na actualidade, o estado do terreo de xogo está moi deteriorado por mor do intenso uso que se fai del. Cun orzamento de 153.196€, as obras recollen a reposición do céspede por outro que permita que a práctica deportiva se realice nas mellores condicións de seguridade e confort.

 O proxecto aprobado na xunta de goberno provincial tamén recolle a realización de outros traballos complementarios para acabar coas filtracións de auga que danan o recheo do terreo de xogo. As escorrentías detectadas na esquina superior do campo de fútbol provocaron un desnivel que se quere arranxar con esta actuación. Será necesario consolidar o noiro e os muros de contención que delimitan o campo de fútbol.