A GUARDA

CONVERXENCIA GALEGA AFIRMA QUE "O GRUPO DE GOBERNO MUNICIPAL TEN ESQUECIDAS SÚAS RESPONSABILIDADES"

Infogauda / A Guarda

 Xosé María Martínez Rodríguez “Chechu”, Portavoz Local  de Converxencia Galega ven de presentar no rexistro municipal de entradas do Concello de A Guarda un escrito no que afirma o seguinte:

¡¡¡DEIXADEZ E ABANDONO NAS RÚAS!!!

 Cando pasear polas rúas do noso pobo debería ser gratificante no senso de atopar veciños/as cos que poder falar, estáse convertindo nunha “odisea” de máximo risco pola cantidade de “trampas ocultas” que poñen en risco a integridade física de todo aquel que se despiste, teña poucos reflexos ou teña a vista e a movilidade reducida.

 Pola outra banda, o Goberno Municipal que dende fai bastante tempo ten esquecido as súas responsabilidade, ben sexa o Alcalde (en retirada), e os Concelleiros de Vías e Obras, e o de Servizos e Tráfico, que están/estiveron liberados e cobrando diñeiro público, saen ben nas fotos de prensa nas que reflicten as súas grandes “facultades de xestión” pero que a realidade non coincide cos seus discursos. ¿Será que sempre andan nos vehículos municipais en non pisan as rúas? ¡Algún, somentes as que quedan perto de alambiques e destilerías! E polo tanto non se preocupan do que acontece na maioría dos barrios e rúas de A Guarda, ainda que esté a “tiro de pedra”, moi perto do local do PSOE, e donde en distintas ocasións se teñen “esnafrado” veciños/as do lugar.

 Ainda de que nos sigan decindo que as nosas denuncias non son certas, a realidade e moi tozuda, e as imaxes non nos deixan mentir, dende Converxencia Galega vimos a solicitar que se impartan as órdenes oportunas para que se arranxen estes problemas para evitar graves percances a tódolos/as que pasan polo lugar, e recordando que por esa vía, tamén circulan os visitantes que acuden o noso pobo, especialmente cando visitan o Monte Santa Trega.

A Guarda, a 12 de  Marzo do 2.015

Xosé María Martínez Rodríguez “Chechu”

Portavoz Local  de Converxencia Galega

Sr. Alcalde-Presidente

Sr. Concelleiro de Vías e Obras

Sr. Concelleiro de Servizo e Policia Local