A GUARDA

A CASA DOS ALONSO DE A GUARDA DISPORÁ DE REDE WIFI PARA INVITADOS  CON FONDOS DA DEPUTACIÓN DE PONTEVEDRA

No centro da imaxe, a Casa dos Alonso, na Praza do Reló, de A Guarda - Foto: Infogauda

Infogauda / A Guarda

 Logo da súa recente rehabilitación como edificio consistorial, a Deputación de Pontevedra aprobou  esta mañá en xunta de goberno mellorar as infraestructuras e equipamentos de climatización e telecomunicacións do novo edificio.

 NOVOS EQUIPAMENTOS PARA AFORRAR

 Segundo o acordado na xunta de goberno deste venres, vanse destinar 163.546 euros do Plan provincial de obras e servicios de 2015 (PPOS) na compra e instalación de novos equipamentos de climatización que garantan un mellor aforro e eficencia enerxética en todas as dependencias do edificio guardés.

 Asimesmo, segundo o proxecto presentado, tamén se aproveitaran as infraestructuras xa existentes pero dotándoas dos mecanismos necesarios que permitan paliar perdas de calor e poder emprega-los segundo a demanda de cada momento.

WIFI PARA INVITADOS

 No tocante ás telecomunicacións, o proxecto aprobado esta maña polo organismo provincial tamén inclúe a instalación dunha rede Wifi para invitados. Ampliarase a rede datos para evitar perdas na comunicación telemática e habilitarase un sistema de alimentación ( SAI) que garanta o servizo en caso de fallo no subministro.