TUI

A DEPUTACIÓN INVISTE MÁIS DE 100.000 EUROS NA REPARACIÓN DO PASEO FLUVIAL DE TUI

Renovarase o entaboado do paseo, actualmente moi deteriorado polo uso e o paso do tempo

Infogauda / Tui

 A Xunta de Goberno da Deputación de Pontevedra acordou, na súa reunión desta mañá, conceder unha subvención de 100.183,62 euros ao Concello de Tui para  a reparación do Paseo Fluvial, que actualmente se atopa moi deteriorado.

 A achega forma parte do Plan Urxente de Mantemento de Servizos e Infraestruturas Municipais e permitirá acondicionar este espazo para que poida seguir sendo usado con seguridade e comodidade polos numerosos veciños e visitantes que por el transitan.

 Os traballos suporán levantar todo o entarimado, reparar as pezas en mellor estado e volver a colocalas, substituíndo as que non poidan ser reutilizables por outras novas. Ademais, tamén se reforzará a estrutura que sostén o entaboado.