A GUARDA

CONVERXENCIA GALEGA INFORMA DAS CARENCIAS DA ROTONDA PINTÁN – A GÁNDARA, NO VIAL TUI – A GUARDA

O pasado 11 de Xaneiro deste ano 2.014, con rexistro de entrada Nº 144 no Concello da Guarda, Converxencia Galega rexistrou unha moción para denuncia-las carencias que detectamos na fase de construcción que tiña a rotonda situada entre Pintán e A Gándara (termo municipal do Concello da Guarda). A moción prosperou nos seus tres apartados gracias ó apoio do PP e BNG, a pesar do voto en contra do PSOE; quen semanas despois organiza charlas cós veciños para apoiar estas iniciativas nas que antes votara en contra no Pleno Ordinario de Xaneiro do 2.014.

Dende Converxencia Galega, temos seguindo inspeccionando as obras detas rotonda; por desgracia non se fixeron os arranxos propostos e aprobados no Pleno Ordinario do 2.014; o cal é unha sinal da pouca importancia que teñen os problemas dos veciños de Pintán e A Gándara para o actual goberno municipal do PSOE.

Nas últimas inspeccións, feitas antes dos fastos inaugurativos que terán lugar en próximas datas; Converxencia Galega debe de denunicar estas importantes carencias:

1º) Sinalización confusa ou errónea:

 O cartel indicativo coas catro sinais de prohibido circular está mal situado; pois tal como está situado prohibe a circulación de peóns, e logo un metro por detrás temos a sinalan que informa da presencia dun paso de peóns para cruza-la rotonda. Dado que a rotonda tamén forma parte do vial, o cartel indicativo debería estar situado na saída da rotonda; como vemos é unha sinalización confusa que induce a erros.

O custe desta rectificación é mínimo, hai que desmonta-lo cartel da ubicación actual e situalo varios metros para atrás, despois do paso de peóns.

2º) Paso de peóns con resalte:

Converxencia Galega considera que este paso de peóns non é a solucións máis axeitada e segura para os veciños; pero tamén entendemos que é a máis barata, a máis fácil de aplicar e con menor custe constructivo i en tempo.

Pero, ante todo debe prima-la seguridade dos peóns; Converxencia Galega pensamos que o paso de peóns debería ter un resalte elevado varios centímetros, que obrigue ós vehículos que circulan pola rotonda a aminota-la velocidade. Todo isto supón aumenta-la seguridade dos peóns cando crucen por este paso de peóns.

O custe de aplicar está solución é barato, pois só hai que engadir una nova capa de aglomerado asfáltico sobre o xa existente, e repintar todo.

  

3º) Accesos incompletos ó paso de peóns:

Os accesos a este paso de peóns tanto dende A Gándara, como dende Pintán están incompletos; na zona próxima á rotonda temos a cada lado un tramo con base de cemento, pero logo esta obra non conecta coa estrada, polo cal os veciños deben facer un tramo sobre un camiño de terra.

Durante a tempada invernal, coas chuvias, moi probablemente estes tramos de terra acumulen agua de chuvia, e tórnense en lameiras, que sexan case que impracticables para os veciños.

A solución é moi sinxela, extende-lo firme de cemento dende os accesos ata enlazar coa estrada de Pintán e a estrada da Gándara; no primer caso é unha obra de apenas 2 metros de lonxitude, e no segundo caso sobre uns 6 mestros de lonsitude. Por decilo de outro modo, sería construir dous pequenos tramos de beirarrúas entre os accesos do paso de peóns e os camiños xa existentes.

4º) Reviravoltas na entrada do paso de peóns:

No acceso ó paso de peóns dende A Gándara; os veciños teñen que facer varias voltas e reviravoltas que non teñen sentido, pois hai un tramo dun valado metálico que lles obriga a facer estas reviravoltas, o cal non redunda na seguridade dos peóns, ademáis de restar espacio de camiño e maniobra para aqueles veciños que camiñan con carros da compra, de bebés,...

   Converxencia Galega pensa que este último tramo de valado metálico é un auténtico estorbo, que entorpece a movilidade e seguridade dos peóns. Dado que non aporta nada positivo, o mellor sería proceder á retirada do mesmo.

5º) Ausencia de instalacións de drenaxe:

Ollamos como a un nivel inferior ó vial trancorren dúas pistas paralelas, para uso agrícola. Pero dende Converxencia Galega temos que resalta-la ausencia total de elementos e instalacións que drenen as aguas pluviaís que evacua o vial; de tal xeito que estas aguas vánse acumular nestes dous viais que está a niveis inferiores.

Probablemente poida acontecer que durante a tempada invernal polo excesos de chuvias, estes camiños para servicios agrícola transfórmense en auténticas pozas e lameiras, que sexan de moi díficil tránsito para o uso dos veciños.

  

Hai temos unha actuación a estudiar e valorar, sobre todo antes da chegada do inverno; falamos da instalacións de elementos que drenen para non acumular agua nestes viais de servicio agrícola.

6º) Instalacións de drenaxe incompletas:

Outra das carencias que atopamos revisando esta obra, é un sistema de drenaxe i evacuación de aguas pluviais que está incompleto. Ollamos que na zona da rotonda, que está próxima á entrada de “Fonte Bieita” hai unha tubería de drenaxe que aguas pluviais que remata nunha poza sen máis.

Ó noso entender, esta obra non pode ficar así sen máis; hai que preparar esa poza, e dende ela crear unha saida para conecta-la á rede de sumidoiros de aguas pluviais.

No suposto de deixar así esta obra incompleta, na tempada invernal esta poza vai acumular un volumen de agua, que posiblemente reborde e inunde o acceso a “Fonte Bieita”, campos próximos e baixe pola estrada cara A Gándara, có conseguinte risco de pequenas inundacións neste barrio.

Dende logo, esta é unha actuación que terán que planifica-los responsables da construcción do vial, có departamento de obras do Concello da Guarda. Lamentablemente non ollamos ó concelleiro responsable de obras moi preocupado por estes defectos.

7º) Taludes con firmes inestables:

Esta obra que dentro de poucas semanas vai ser inaugurada, cós seus fastos correspondentes; xa presenta deficiencias polo pouco esmero no proceso constructivo.

Dende Converxencia Galega nas inspeccións realizadas detectamos que hai zonas onde os taludes que van do nivel superior ó inferior non son estables, nin están ben condicionados para durar no tempo.

O seguinte exemplo o temos na zona da mesma rotonda; no talude onde está situada unha das farolas de iluminación, vemos que a mesma xa presenta efectos moi avanzados dun proceso erosivo polo efecto das aguas de chuvias. A consecuencia disto, é que a base da farola vai perder estabilidade có conseguinte risco de caída, xa sexa para o camiño de peóns, ou cara a zona da rotonda.

  

Esperamos que os responsables da construcción realicen as obras de acondicionamento necesarias; por sorte as mesmas non son nada caras, sería construir unha base de cemento máis ancha e profunda, para que a farola teña un soporte máis ancho, ben anclado e que sexa máis estables; minimizandos os riscos da erosión hidrodinámica.

8º) Tapas de rexistro sen asegurar:

Outras das carencias importantes que temos ollado, é que as diferentes tapas de arquetas, rexistros ou sumidoiros de aguas, as tapas das mesmas non están ben aseguradas; polo cal existe un risco de que persoas mal intencionadas ou desaprensivos, as retiren, ou accedan de xeito improcedente ó interior das mesmas.

O normal sería instalar pequenos elementos de bloqueo, que impidan a manipulación dos mesmos por persoal alleo á obra, ou o mantenemento da mesma.

Dende Converxencia Galega poñemos en coñecemento do Concello da Guarda, e dos veciños, todas estas deficiencias, para que sexan tratadas coas autoridades responsables das mesmas, e obteñan solucións, reparos nos desperfectos, subsanacións nas deficiencias o máis axiña posible.

Lamentablemente este traballo de denuncia que aquí nos expomos, debería estar feito polo concelleiro responsable de obras, se adicase algo máis de tempo ás súas funcións no horario laboral, e algo menos a pasear có vehículo municipal. Ó Concello da Guarda iríalle moito millor.

A Guarda a 1 de xullo do 2.014

Xosé María Martínez Rodríguez

Responsable Local de Converxencia Galega

Nota da Redacción de Infogauda:

Por motivos técnicos alleos á nosa vontade, non nos foi posible publicar con anterioridade á inauguración da obra do vial tramo Goián-A Guuarda, o comunicado que precede a estas liñas, e que oportunamente nos fora remesado por Converxencia Galega.