A GUARDA

CONVERXENCIA GALEGA CUESTIONA Ó CONCELLEIRO DE TRÁFEGO 

    En nome de Converxencia Galega, Xosé María Martínez Rodríguez, responsable desta formación política, con representación municipal na Corporación do Concello de A Guarda, ven de presentar no rexistro de entradas do concello, á seguinte comunicación:

INSTALACIÓN SEMAFÓRICA

         Nestes días temos asistido abraiados a instalación de semáforos para regula-lo tránsito de vehículos na intersección das rúas Xulia Vaquero e Galicia.

       Dende Converxencia Galega, estamos convencidos que esta reubicación é un novo erro do Concelleiro-Liberado de Tráfico, xa que coidamos que non vai xeneral ningunha mellora no tráfico de vehículos polo centro da vila guardesa.

     En Converxencia Galega consideramos que os puntos preferentes onde debería de instalarse unha regulación semafórica son os puntos coñecidos popularmente:

     a).- “O Cruce da Alamenda“  (intersección das rúas Galicia e Rosalía de Castro).  

    b).- “O Cruce do Pastor” (intersección das rúas Galicia e Concepción Arenal).

     Polo tanto, en Converxencia Galega, pensamos que o lugar donde se está facendo a instalación, non é o máis axeitado, por non estar nos cruces máis problemáticos por densidade de tránsito de vehículos e peatóns.

   Así mesmo, denantes da instalación destes semáforos, o prioritario é ter elaborado todo un PLAN DE TRAFICO, dentro do cal debe existir un planeamento de regulación semafórica de determinados puntos con alta densidade de circulación rodada e peonil.

  Un dos apartados máis importantes deste Plan de Tráfico debe ser un sistema de circulación única para as numerosas rúas estreitas que hai nas distintas parroquias do noso Concello, moitas das cales teñen anchos inferiores os dous (2) metros que ainda hoxe son de doble sentido de circulación…lamentablemente nestes SETE (7) ANOS de (i)rresponsabilidade do Concelleiro-Liberado de Tráfico, foi incapaz de tomar iniciativas nesta dirección.

   Tamén, dende Converxencia Galega, pesamos que para adopta-lo uso dos semáforos, un elemento necesario e prioritario cara a optimización deste recurso, é ter unha Central de Control, desde a cal se podo ir adaptando o uso dos mesmos en función do tránsito, hora, densidade e velocidade de circulación,…, a ausencia deste elemento de control vaille restar moita operatividade e eficacia a implantación de semáforos.

   Por todo o exposto, consideramos que a labor desenrrolada nestes SETE (7) ANOS do Concelleiro-Liberado de Tráfico presenta moitas carencias, presenta poucas iniciativas, a maioría delas desacertadas. A nosa conclusión é que as problemáticas do tráfico local, quédanlle grandes (ainda contando ca asesoría dún experto en autobuses), amosando unha total carencia de ideas neste eido, polo que o séu mantenemento resulta carísimo no puesto que ten asignado e que non desempeña.

A Guarda, a 28 de Xuño do 2.014

Xosé María Martínez Rodríguez

Responsable Local de Converxencia Galega

Sr. Alcalde-Presidente do Concello de A Guarda