VAL MIÑOR

Pescadores e ecoloxistas retiran nunha semana dúas toneladas de lixo dos ríos Zamáns e Miñor. Posted: 30 Sep 2013 01:52 PM PDT -Co apoio do Concello de Gondomar, 50 voluntarios da Asociación de Pescadores A Troita Rebelede e o Proxecto Ríos recolleron dúas toneladas de lixo dos ríos Zamáns e Miñor. - Plásticos, cristais, botellas, rodas e entullo de variado tipo foron atopados en dúas xornadas de limpeza que deixan ao descuberto prácticas contaminantes que utilizan as canles hidrográficas como vertedoiros en varios puntos do concello de Gondomar. As principais arterias hidrográficas de Gondomar estanse a converter nunha verdadeira entulleira, onde toneladas de lixo son depositadas por mans anónimas nas augas que dan de beber e regan o Val Miñor. Así o amosan as dúas xornadas onde medio centenar de voluntarios saíron co apoio do Concello a botar unha man e retirar parte desta desfeita que contamina día a día os principais ríos do municipio.

ANOVA presenta un plan alternativo de mobilidade sen peaxes na AG-57 e un billete único metropolitano. Posted: 30 Sep 2013 04:46 AM PDT -Os nacionalistas rexeitan un posible “rescate” da Xunta ás concesionarias das autoestradas e propoñen converter a AG-57 nunha vía de uso interno para a comarca do Val Miñor. -ANOVA reclama o billete único metropolitano que favoreza a comunicación do Val Miñor coa cidade de  Vigo, co Campus da Universidade, co futuro hospital de Valadares, coa Louriña, co Baixo Miño, ou mesmo co Morrazo.