A CIG-ENSINO convoca unha concentración
na Alameda da Guarda para reclamar a readmisión dos traballadores despedidos no
San Xerome
A
CIG-Ensino convoca unha concentración na
Alameda da Guarda este sábado 4 de maio, ás 11:30 h. A CIG-Ensino convoca
esta concentración para reclamar a readmisión das catro persoas despedidas no
centro San Xerome Emiliani.
A
CIG-Ensino convida a toda a cidadanía, e moi especialmente aos pais e nais da
Asociación San Xerome Emiliani, a que se acheguen á concentración para
informarse da situación das persoas despedidas e de como isto lle afecta ao
centro.
Desde
o día 15 de abril as traballadoras e o traballador despedidos, acompañados por
compañeiros de traballo, delegados sindicais, familiares, amigos e veciños da
Guarda, véñense concentrando ante o centro diariamente desde as 9:30 horas. As
persoas afectadas queren agradecer este apoio incansábel dos que día a día
seguen acudindo a concentrarse con eles, así como outras mostras de afecto e
solidariedade que están a recibir, mesmo dos propios usuarios.
A
CIG-Ensino declara ademais publicamente que as persoas despedidas e os seus
representantes laborais xa lle trasladaron á Xunta Directiva por escrito que
solicitan a readmisión dos traballadores despedidos e que están á súa
disposición para tratar este tema.
Concentración pola
readmisión das/os despedidas/os:
Sábado
4 de maio desde as 11:30 da mañá,
Alameda da Guarda.
3 de maio
de 2013
CIG-Ensino
Baixo Miño
(R.)
Ningún comentario:
Publicar un comentario