VAL MIÑOR

• A redución de concelleiros anunciada por Rajoy alteraría o mapa político do Val Miñor.
• Os afectados piden aos directivos de NGB que máis que perdón, colaboren coa investigación da estafa millonaria
• A calidade das augas dos areais d'A Ladeira e A Concheira seguen sendo "insuficientes".
• Inscricións abertas para un obradoiro de técnicas na pescuda de emprego para mozas e mozos de Gondomar.
• Artesanía solidaria para a inclusión social no concello de Baiona

A redución de concelleiros anunciada por Rajoy alteraría o mapa político do Val Miñor. Posted: 12 Jul 2012 06:53 PM PDT Cos datos actuais e aplicando xa a diminución dun terzo no número de concelleiros adiantada por Mariano Rajoy, habería cambios no reparto do poder local nos concellos de Baiona, Gondomar e Nigrán, aínda que é Gondomar onde mesmo podería haber un cambio de alcalde cos mesmos resultados electorais. Por outra banda perderían a súa representación no pleno grupos políticos como UCN-CDL de Nigrán. A situación aínda está verde . Os medios nacionais anuncian unha rolda de conversacións PP - PSOE antes de sacar adiante esta reforma, a fin de darlle continuidade. Tamén hai voces que advirten que un cambio da Lei Electoral só se podería practicar a partir das vindeiras eleccións, do contraio violaríase a Constitución.

Os afectados piden aos directivos de NGB que máis que perdón, colaboren coa investigación da estafa millonaria Posted: 12 Jul 2012 05:48 PM PDT NGB comeza unha campaña publicitaria de lavado de imaxe para recuperar a credibilidade perdida trala estafa das preferentes e as suculentas indemnizacións dos antigos directivos. Os directivos recoñeceron onte  a solicitude de 6.000 millóns de euros do rescate europeo para cubrir as necesidades impostas nos decretos. Os afectados non tardaron en responder aceptando as desculpas e pídenlle aos novos directivos que declaren e aporten probas de "cómo la entidad planificó, organizó , incentivó y presionó a sus empleados para llevar a cabo esta estafa masiva

A calidade das augas dos areais d'A Ladeira e A Concheira seguen sendo "insuficientes". Posted: 12 Jul 2012 05:22 AM PDT As augas das praias de Ladeira e d'A Concheira manteñen a cualificación de "insuficientes" no mapa das zonas de baño de Galicia publicado este mes pola Consellería de Sanidade da Xunta malia que o concello segue calificando as augas como "aptas para o baño" O concello de Baiona exponse a sancións económicas da Unión Europea se non soluciona o problema de contaminación nestes areais antes do ano 2015. A pesar das melloras puntuais obtidas no último control microbiolóxico, a Dirección Xeral de Innovación e Xestión da Saúde Pública, confirmou a este xornal que segue vixente a obriga por parte do Concello de Baiona, de informar da prohibición ou recomendación de non bañarse en ditas praias, conforme o marca o Real Decreto 1341/2007.

Inscricións abertas para un obradoiro de técnicas na pescuda de emprego para mozas e mozos de Gondomar. Posted: 12 Jul 2012 01:37 PM PDT Tódolos menores de 30 anos que figuren entre os 1.783 desempregados rexistrados no Concello de Gondomar, máis os que estean "fora de rexistro", poderán anotarse nun obradoiro para mellorar as técnicas na pescuda de emprego. O mesmo será desenvolvido por persoal da Xunta de Galicia no marco do programa da Dirección Xeral de Xuventude e Voluntariado.

Artesanía solidaria para a inclusión social no concello de Baiona Posted: 12 Jul 2012 12:14 PM PDT As Asociacións Aceesca, Alento, Avelaíña, Cogami, San Xerome e Vontade, organizan en Baiona, Mercado Solidario, para propiciar e fortalecer a inclusión social de persoas con discapacidade.