A GUARDA

PARQUES PARA CANS

De todos é sabido que as prazas e parques tradicionais non son a mellor opción para levar a pasear as nosas mascotas, está claro que non todas as persoas están de acordo con permitir que os cans xoguen onde eles gozan do aire libre ou a onde levan a pasear ou xogan os seus fillos.

Ningún propietario pretende que o seu can faga dano a outro ou morda a unha persoa, e moito menos que os animais se apropien de das rúas da nosa vila de xeito descontrolado. Só pretendemos gozar xogando co “mellor amigo do home” dunha maneira controlada e con total tranquilidade para todos os cidadáns.

Pedimos a sinatura de todos os veciños/as tal e como reza a Liga Internacional dos Dereitos do Animal que se adoptou en 1977 e proclamou o 15 de outubro de 1978 a Declaración Universal dos Dereitos do Animal e que posteriormente foi aprobada pola UNESCO e pola ONU e no Artigo 6-g da Declaración Universal dos Dereitos do Can.

Como xeito de ofrecer unha solución xusta para tódalas partes, pretendemos que:

* Se constrúan PARQUES PARA CANS por intermedio da Concellaría de Medio Ambiente.

* Unha zona valada ampla onde podamos xogar cos nosos cans e estar tranquilos de que non van saír correndo cara as estradas e correr o risco de ser atropelado ou poidan chocar con algunha persoa ou vehículo e ocasionar algún dano.

* Un espazo ocuparía unha superficie onde os animais disporán dunha zona verde, ademais de un pipi-can, onde facer as súas  necesidades, que logo debe recoller seu dono e depositar nas papeleiras habilitadas para tal efecto.

Queremos destacar que entre os beneficios das zonas preferentes é que os usuarios coñecen aos outros propietarios e seus cans relaciónanse cos outros, potenciando a sociabilidade do animal e evitando por conseguinte colisións con outros cans e incluso con humanos.

A Guarda, a 30 de maio do 2.012

Laura Álvarez Álvarez

Responsable de Medio Ambiente