O 1 DE MARZO REMATA O PRAZO PARA OPTAR AO PREMIO CARRACEDO DE XORNALISMO
O día 1 de marzo remata o prazo para presentar traballos que opten ao premio “Xosé Aurelio Carracedo” de xornalismo, que anualmente convoca a Deputación provincial de Ourense.
Este certame xornalístico está dotado con 8.000 euros en premios, que se reparten en 5.000 e uros para o gañador e 3.000 euros para o segundo premio.
As propostas deben chegar á deputación acompañadas de seis copias e remitiranse á institución (rúa Progreso, 32 32003 OURENSE), cunha referencia de “premio de periodismo Xosé Aurelio Carracedo”.Os actos de entrega do galardón coincidirán co día 3 de maio, Día Internacional da Liberdade de Prensa.
O premio Carracedo de xornalismo foi instaurado pola Deputación coma homenaxe e lembranza do xornalista ourensán que lle da o seu nome, falecido nun desgraciado accidente de tráfico.
