OURENSE

PRESÉNTOUSE O LIBRO “HISTORIA DE AMÉRICA. DENDE AS ORIXES AOS TEMPOS ACTUAIS”, DE CARLOS SIXIREI PAREDES

O Centro Cultural da Deputación acolleu o xoves, día 11 de marzo, ás 20:15 horas, a presentación do libro “Historia de América. Dende as orixes aos tempos actuais”, do historiador Carlos Sixirei Paredes.

Infogauda / Ourense

Este libro, que se constitúe coma o primeiro tomo dunha serie maior, abrangue a América Precolombina e Colonial e está editado por Ir Indo.Por primeira vez publícase en galego unha historia de América concebida dende a perspectiva dun manual para usos universitarios. Neste primeiro volume exponse a historia da etapa precolombina e da etapa colonial.O segundo volume estará dedicado á América Independente.Trátase dunha obra moi persoal na que o autor reflexa a súa propia experiencia como profesor de Historia de América pero que non se limita a expoñer cuestións, senón tamén a entrar coa súa opinión e a súa visión, abrindo eido ao debate.Carlos Sixirei é Doutor en Historia de América. Estudou en Compostela, París, Sao Paulo e Madrid e como profesor traballou nas universidades de Montevideo e Vigo. Ten impartido numerosas conferencias, en diferentes países de Europa e América Latina.