O ROSAL

CELEBROUSE O MERCADILLO DE OPORTUNIDADES NO ROSAL


Reportaxe: Concellaría de Cultura / O Rosal
Fotografías: Juan Ramón Martínez Barbosa

O pasado domingo 6 de setembro e organizado pola Asociación de Comerciantes do Rosal (ACOR) tivo lugar un novo Mercadillo de Oportunidades na Praza do Calvario do Rosal.
Segundo José Martínez González (Pepe Berdeal), presidente de ACOR, aínda que o día foi moi caluroso os comercios que se deron cita na praza da vila saíron satisfeitos en canto ao número de visitantes, clientes e posteriores ventas.
Sorteouse esta vez unha bicicleta de montaña entre os clientes do mercadillo que gañou Alicia Rodríguez, de Burgueira. Así mesmo tivo lugar tamén o II Taller de Debuxo para nenos e nenas impartido por Esther Moe. O debuxo gañador – da autoría de Claudia Marcelli Carballido - será o cartel anunciador da seguinte Feira-Mercadillo.
Colaboraron con ACOR, a Federación Galega de Comercio, o Concello do Rosal, a Federación Provincial de Comercio de Pontevedra e a Xunta de Galicia a través da Consellería de Innovación, Industria e Comercio.

Julio Lagos Carrera (gañador do I Taller de Debuxo e segundo nesta edición) xunto coa gañadora Claudia Marcelli Carballido.

De esquerda a dereita Esther Moe, Julio Lagos, Claudia Marcelli, David González Portela (3º clasificado) e Pepe Berdeal.

O cartel de Claudia anunciará a próxima Feira de Oportunidades.

A concelleira de Cultura, Charo Tabales Perozo e Pepe Berdeal cos gañadores do sorteo da bicicleta sorteada por ACOR.