A GUARDA

JOAQUÍN MIGUEL VILLA ÁLVAREZ EFECTUARÁ OS TRABALLOS DE INVESTIGACIÓN E RECOLLIDA DE DATOS NECESARIOS PARA A ELEBORACIÓN DO LIBRO “MOSTEIRO DAS MM. BENEDICTINAS DA GUARDA (1558-1984)”

Vella estampa do Convento das MM. Bieitas, na vila de A Guarda (Foto: Mariano Jiménez Hueto)

Infogauda / A Guarda

Atendendo a razonada petición efectuada en novembro de 2008, a instancia de Sor Isabel Vicente Rey, Abadesa do Mosteiro da Transfiguración do Señor, das Monxas Bieitas de San Vicente de Trasmañó (Redondela), como representante da Comunidade dese Mosteiro - provinte do antigo Mosteiro de A Guarda); a Deputación Provincial de Pontevedra resolveu adxudicar a Joaquín Miguel Villa Álvarez, Doutor en Historia Contemporánea pola Universidade de Santiago de Compostela, o contrato para a realizacións dos traballos de investigación e recollida de datos necesarios para a elaboración do libro “Mosteiro das MM. Benedictinas da Guarda (1558-1984)”.

Segundo puido saber Infogauda, na súa petición, Sor Isabel Vicente Rey - natural de A Guarda, o igoal que outras monxas da mesma Comunidade Bieita -, foi fundamentada "(...) con motivo do 450 aniversario da fundación do Convento da Guarda (1558-2008) e os 25 anos da nosa marcha para Trasmañó (1984-2009), desexamos que se faga un libro coa historia destes case que cinco séculos".
A Abadesa tamén salientou "(...) que postas en contacto co historiador guardés Joaquín Miguel Villa Álvarez, este aceptou levar a cabo a realización dese estudio histórico durante o vindeiro ano 2009 (...)".

Na súa petición dirixida o Presidente da Deputación de Pontevedra, a Superiora do Convento das MM. Bieitas también salientou: "(...) Que dado que somos unha orde relixiosa económicamente moi humilde",

SOLICITO:

- Que faga Vostede posible o financiamento deste traballo dado o enorme interese que pode ter para o coñecemento da historia monacal da Provincia, neste caso nun período que abarca nada máis e nada menos que catro séculos e medio da nosa historia (...)".

E a resposta definitiva veu dada por medio da resolución presidencial do 22 de xullo de 2009 que resolve adxudicar a Joaquín Miguel Villa Álvarez o contrato para a realizacións dos traballos de investigación e recollida de datos necesarios para a elaboración do libro “Mosteiro das HH. Benedictinas da Guarda (1558-1984)”.

Polo tanto, o historiador guardés Joaquín Miguel Villa Álvarez ocuparase da realización do libro no cal se recollerá a densa historia do Convento da Transfiguración do Señor, ó longo de catro séculos e medio, nos que maioritariamente a Comunidade Bieita estivo no Convento de A Guarda.

Agardamos que unha vez rematados os traballos de investigación e recollida de datos, por parte de Joaquín Miguel Villa Álvarez, tanto as monxas bieitas como a Deputación, levarán a bó termo as xestións necesarias para a publicación do libro que constituirá unha importantísima achega o coñecemento da historia de A Guarda.