A GUARDA

A gripe aviar provoca tomar unha serie de precaucións na Guarda  

• O serotipo do virus presenta unha alta mortaldade entre aves, pero con transmisibilidade baixa ás persoas  

Informa: Concello de A Guarda

 A Consellería do Medio Rural trasladou ao Concello da Guarda as medidas de prevención aplicables como zona de especial vixilancia (ZEV) ante a influenza aviaria. As medidas son de aplicación para calquera tipo de explotación avícola, sexa industrial, artesanal ou de pequena capacidade ou familiar de autoconsumo.  

 O bloque de medidas buscan evitar o contacto directo ou indirecto das aves domésticas coas silvestres:  

- Queda prohibida a crías de aves de curral ao aires libre, deben recluír as aves en instalacións pechadas a cuberto 

- Queda prohibida a cría de patos, ocas e gansos con outras especies de ave de curral. 

- Queda prohibida a utilización de paxaros das ordes Anseriformes (parrulos ou similares) e Charadriiformes  (gaivotas e similares) como reclamo en actividades cinexéticas. 

- Queda prohibido dar auga ás aves de curral procedente de depósitos aos que poidan acceder aves silvestres. 

- Os depósitos de auga situados no exterior deben estar protexidos suficientemente fronte as aves silvestres ou as súas dexeccións. 

- Queda prohibida a presenza de aves de curral ou outro tipo de aves cativas nos centros de concentración de animais, incluíndo os certames gandeiros, mostras, exhibicións e celebracións culturais.  Recordamos que o serotipo do virus da influenza aviaria provoca unha alta mortalidade entre as aves, pero unha transmisibilidade ás persoas reducido. Ante calquera dúbida, podes mandar un correo a medioambiente@aguarda.es