A GUARDA

A Guarda celebrará o Día das Bibliotecas cun contacontos infantil   

• Será este sábado, 25 de outubro, ás 12:00h, na Biblioteca Pública Municipal, co contacontos de A Fada Diana 

 

Infogauda / A Guarda

 O 24 de outubro celébrase o Día Internacional das Bibliotecas, unha iniciativa da Asociación Española de Amigos do Libro Infantil e Xuvenil que conmemora a destrución da Biblioteca Nacional de Saraievo en 1992 e busca concienciar sobre a importancia da lectura e o papel das bibliotecas como centros culturais e sociais.  

 Na Biblioteca Pública Municipal de A Guarda celebraremos esa efeméride co contacontos A Fada Diana. Terá lugar o sábado, 25 de outubro, ás 12:00 horas. Este contacontos está recomendado a partir dos 4 anos e a entrada será libre.  

 A Fada Diana guíanos nesta aventura para descubrir os segredos da reciclaxe e lembrar que o cambio só é posible coa colaboración de todos en igualdade. Danza, circo, maxia e cancións orixinais transportarán aos nenos a un mundo máxico con participación activa. Xuntos podemos ser heroes!