PONTEVEDRA

RECIBIMENTO NA SUBDELEGACIÓN AOS 30 GARDAS CIVÍS EN PRÁCTICAS QUE SE INCORPORAN NA PROVINCIA 

       

O subdelegado do Goberno, Abel Losada, deu a benvida aos 30 gardas civís en prácticas que se incorporan a partir deste verán para completar a súa formación

Foto: S. do G.

Infogauda / Pontevedra

 O subdelegado do Goberno, Abel Losada, deu a benvida aos 30 gardas civís en prácticas que se incorporan a partir deste verán para completar a súa formación durante un período dun ano na provincia de Pontevedra.  

 Subliñou o prestixio da Garda Civil nesta provincia, ata o punto de que toda a sociedade demanda máis presencia da Benemérita, incluídos os alcaldes e alcaldesas “de tódalas cores políticas”. A importancia estratéxica desta provincia, polas súas características (fachada atlántica con tres portos de interese xeral do Estado, un aeroporto e fronteira con Portugal e un gran pulo económico). E, finalmente, a calidade profesional e humana dos mandos da Comandancia, co coronel Manuel Touceda á fronte, e de tódalas compañías e postos da Benemérita. Explicou ademais que somos un territorio duns 950.000 habitantes e preto da metade residen na Demarcación da Garda Civil.  

 Losada destacou a importancia da incorporación deste continxente de gardas, moi maioritariamente galegos e da propia provincia, e que van supor un reforzo importante nas dotacións.  

 O reparto por postos é o seguinte: Pontevedra, 3; Tui, 1; Salvaterra, 1; Ponteareas, 3; O Porriño, 3; Baiona, 3; Mos, 1; Cangas, 2; Moaña, 1; Cambados, 2; Sanxenxo, 3; Caldas de Reis, 2; A Estrada, 2 e Lalín, 3.