A GUARDA

A finca de Fínola foi  desbrozada para facilitar o aparcamento  

• A chegada das máquinas da Mancomunidade dará comezo a novas obras e intervencións na vila  

O alcalde de A Guarda e membros do goberno municipal, con persoal da Mancomunidade Intermunicipal do Baixo Miño e da Asociación San Xerome, na finca de Fínola

Foto: C.A.G.

Infogauda / A Guarda

 No día de hoxe, o aparcadoiro da finca de Fínola mantívose pechado para o desbroce e aplanamento do mesmo.  

 Durante a mañá, traballadores da Asociación San Xerome coas máquinas da Mancomunidade Intermunicipal do Baixo Miño realizaron os traballos de desbroce no devandito recinto de titularidade municipal. Non só se procedeu a limpeza no interior do aparcadoiro, senón tamén aos accesos pola rúa Rosalía de Castro e no muro da mesma rúa.  

 Ademais, tamén se procedeu ao aplanamento do aparcadoiro para eliminar calquera fochanca que puidera aumentar coa afluencia e uso deste céntrico espazo, situado entre as rúas Coruña e Rosalía de Castro.

 «A chegada das máquinas da Mancomunidade dará comezo a novas obras e intervencións na vila», indicaron desde o executivo local que preside o alcalde Roberto José Álvarez Carrero.