A GUARDA

A Guarda vai celebrar o Día do Libro 

• Cun contacontos na Biblioteca Municipal  

  

Infogauda / A Guarda 

 O día 23 de abril celébrase o Día do Libro, e para conmemoralo a Biblioteca Municipal de A Guarda vai traer o mércores 23, ás 18:30 horas, un contacontos para os máis pequenos da casa. A entrada é libre ata completar a cabida.

 Bandullo Azul presenta o contacontos “Os contos do gato”. O gato Fazulas chega cunha chea de contos, xa que lle encanta compartir historias que el mesmo vive como se fose o protagonista.   

 Este gato dormilón, comilón e algo vacilón trae consigo ao seu amigo o Profesor e ambos veñen con moitas ganas de pasalo ben.    

 Deste xeito, os máis pequenos aprenderán a importancia da lectura e o poder das historias e dos contos.