CIG-Servizos convoca folga na empresa Clece
• Para o luns 14 de outubro de 2024
Infogauda / Vigo
Para o luns 14 de outubro de 2024, a CIG-Servizos convoca folga de catro horas por quenda (de 10:00 a 14:00, de 14:00 a 18:00 e de 2:00 a 6:00) na empresa Clece, que se encarga da limpeza na compañía da automoción viguesa GKN. Coincidindo cos paros os traballadores/as desenvolverán unha manifestación dende a porta principal de Stellantis até a entrada de GKN a partir das 13:00 horas.
Os motivos da convocatoria son denunciar os recortes en tempo efectivo de traballo para desenvolver as distintas tarefas das que se encarga o persoal, co conseguinte aumento do risco psicosocial, e rexeitar a vaga de despidos dos últimos meses.
Ningún comentario:
Publicar un comentario