DEPORTES

ATLETISMO

Álex Sierpes Pereira, completa o póker de pódiums no LXX Cros Internacional de Zornotza

• Logrando o 2º posto da categoría Sub18

Álex Sierpes Pereira - a esq. - no podio do LXX Cros Internacional de Zornotza

Álex Sierpes Pereira, da Sociedade Atlética do Trega, co seu trofeo de 2º clasificado da súa categoría, no LXX Cros Intrenacional de Zornotza

Sociedade Atlético do Trega / Redacción Deportes

 O LXX Cros Internacional de Zornotza abriu o pano de cros esta tempada. Esta proba, considerada categoría ouro no circuíto ADOC (Asociación de Organizadores de Campo a Través e Carreiras en Roteiro) que consta de 28 probas a nivel mundial, das cales, 12 delas, son en territorio español, onde se poden ver as mellores figuras mundiais do momento.  

 O atleta guardés Álex Sierpes Pereira, tivo que percorrer unha distancia de 4.700 metros sobre a alfombra verde natural das campas do circuito permanente de Jauregibarría (Amorebieta), carreira que unía ás categorías Sub´18 e Sub´20  masculinas. En todos os compases da carreira o noso atleta estivo na parte dianteira, cedendo tan so ao final ante un Sub20 e un Sub18, cuns rexistros de 14:44 (Jofre Roca Rosa, do club Avinent Manresa); 14:52 (Alejandro Domingo Mateo, do Sporting Segovia Innopor); e 15:03 (Álex Sierpes Pereira, da Sociedade Atlética do Trega), respectivamente. Iso no que respecta a clasificación conxunta das dúas categorías - Sub20 e un Sub18 - ainda que na categoría Sub18, o 1º posto foi para Alejandro Domingo Mateo e o 2º posto para Álex Sierpes Pereira.  Dese xeito, despois de 6 anos o atleta de A Guarda deixa de ser invicto, con 17 vitorias no seu palmarés nos crosses nacionais e internacionais.

NACIONAIS: 

Cantimpalos (ouros en 2018 e 2021); Sonseca (ouro en 2021); Ponte romana (ouros en 2019 e 2023).

INTERNACIONAIS:  

 Atapuerca (Ouros en 2018, 2019, 2021 e 2023); Venta de Baños (Ouro en 2019); Juan Muguerza (Ouro en 2020): Soria (Ouro en 2021); Alcobendas (Ouro en 2021); Valladolid (Ouro en 2023),  e en Zornotza (ouros en 2020, 2021 e 2023; en prata en 2024).

 Desde a entidade dámoslle o parabén polo seu resultado porque é máis que bo, cando foi valente, por loitar contra atletas tres anos maiores que el. 

 Desexámoslle unha boa nova tempada coas mesmas ganas e constancia, porque manterá a mesma categoría.