I TRAIL CAMPOSANCOS Ó SOLPOR
Celebrarase o sábado 22 de xuño de 2024, a partir das 19:00 horas, desde o Campo Multiusos de Codesal
Ricardo Rodríguez Vicente / Camposancos (A Guarda)
A asociación Rego de Bicosán - nada a carón da Comunidade de Montes Veciñais en Man Común de Campsoancos - en colaboración coa Federación Galega de Atletismo, Deputación de Pontevedra e o Concello de A Guarda organizan o I Trail Camposancos ó Solpor, que terá lugar o sábado 22 de xuño de 2024, a partir das 19:00 horas.
A proba entra dentro da especialidade atlética da carreira de montaña e estará baixo o control técnico do Comité Galego de Xuices da Federación Galega de Atletismo, baixo a normativa oficial das carreiras de montaña.
As probas (trail curto, trail longo, e andaina) sairán a carón do Campo Multiusos Codesal, en Camposancos (A Guarda).
Existe un límite de prazas para cada modalidade: 250 para o trail curto e outras 250 para o trail longo; e 150 para á andaina.
As distancias serán ás seguintes:
Trail longo: 17 km; trail curto: 8,5 km; e andaina: 8,5 km.
Inscricións:
Ata as 23:59h do luns 17 de xuño de 2024.
Os importes das inscricións son os seguintes:
15 euros para o trail longo (ata o día 3 de xuño, ás 23:59 horas), e 17 euros nos días seguintes.
7 euros para o trail curto (ata o día 3 de xuño, ás 23:59 hora), e 8 euros nos días seguintes.
6 euros para a andaina.
Recollida de dorsais
Os dorsais poderán recollerse nas instalacións do Campo Multiusos de Codesal o sábado 22 de xuño, de 17:00 a 19:00 horas.
Ningún comentario:
Publicar un comentario