O BNG DEMANDA UNHA RESPOSTA URXENTE DO ALCALDE DA GUARDA A SEPARACIÓN DE FECAIS E PLUVIAIS NA RÚA SALGUEIRÓ
Anxo Lois Baz Vicente (voceiro do Grupo Municipal do BNG): “Modificar o pavimento dunha rúa sen preocuparse da separación das pluviais e das fecais evidencia a falta de criterio de quen o fai”.
Infogauda / Camposancos
O BNG reclámalle ao alcalde de A Guarda, Roberto José Álvarez Carrero, do Partido Popular, a separación de augas pluviais e fecais na obra de renovación do firme da rúa Salgueiró en Camposancos.
En vista de como se están realizando as obras na devandita rúa, o portavoz do BNG no Concello da Guarda, Anxo Lois Baz Vicente, manifestou: “Modificar o pavimento dunha rúa sen preocuparse de algo tan elemental como é a separación das pluviais e as fecais evidencia a falta de criterio de quen o fai”.
Asemade, Baz resaltou: “É aínda máis preocupante que a pesar da insistencia da presidenta da Entidade Local Menor de Camposancos e do vecindario, que desde o primeiro momento reclamaron a separación das pluviais e das fecais, o alcalde da Guarda fora incapaz de dar unha solución satisfactoria a esta intervención, cando ademais é coñecedor de que nas épocas de choiva forte, as arquetas das fecais levántanse e verten directamente os residuos á rúa”.
Ningún comentario:
Publicar un comentario