DEPORTES

PIRAGÜISMO

OITO MEDALLAS PARA OS TEIXUGOS NO CAMPIONATO GALEGO DE PROMOCIÓN DE SLÁLOM  

En K1 Alevín feminino, podio enteiramente do Deportivo Miño:  Leila Álvarez gañou a proba; Nerea Álvarez foi segunda. e Rita Olveira, terceira

Informa: Rosa Fernández Carrera / Deportes

 Este domingo celebrouse nas augas do río Tea, na localidade de Mondariz Balneario, o Campionato Galego de Promoción de Slálom; a máis importante da Liga Galega de Promoción, na que compiten os máis novos do piragüismo galego.  

 Once deportistas do Club Deportivo Miño-Teixugos acudiron ao acontecemento.  

 Francia Piñeiro en K1 Infantil rematou oitava. En K1 Alevín feminino, Leila Álvarez gañou a proba, Nerea Álvarez foi segunda e Rita Olveira terceira, conformando un podio enteiramente do Deportivo Miño. Iria Álvarez estreouse en categoría prebenxamín cunha medalla de prata. Leila, como xa é habitual, tamén participou en canoa ou C1, acadando o ouro, e, a prata foi para Nerea que se estreou na categoría en competición. 

Podio de K1 benxamín, categoría na que Roque Olveira - a esq. - foi segundo, conseguindo a medalla de prata

Once deportistas do Club Deportivo Miño-Teixugos acudiron ao Campionato Galego de Promoción de Slálom

 Nas categorías masculinas, Iván Cruz foi décimo en K1 infantil. En K1 alevín, Alejandro  Barreiro rematou sexto e Lois Montenegro acadou a medalla de bronce. En K1 benxamín, Martín Vicente foi sétimo, Nicolás Piñeiro sexto e Roque Olveira segundo, conseguindo a medalla de prata.  

 Dúas medallas de ouro, catro de prata e dúas de bronce son un gran balance para o Deportivo Miño-Teixugos neste campionato galego. Na clasificación final por equipos remataron en quinto lugar.