A GUARDA

O concello de A Guarda celebrou o obradoiro “As abellas e as aromáticas”  

• Que tivo lugar na Fortaleza de Santa Cruz

O obradoiro “As abellas e as aromáticas” realizouse na Fortaleza de Santa Cruz

Fotos: C.A.G.

 A Asociación Cultural Alfombras da Guarda preparou ramos coas plantas e frores para poñer a serenar na noite de san Xoán

Infogauda / A Guarda

 O concello de A Guarda celebrou o pasado venres  día 23 de xuño, na Fortaleza de Santa Cruz, un obradoiro o aire libre para os máis pequenos.  

 O obradoiro “As abellas e as aromáticas” foi unha actividade enmarcada dentro do ciclo medioambiental Sostendo o Futuro, que chega este ano á súa terceira edición tratando neste caso sobre a importancia dos polinizadores, sobre todo centrándose nas abellas.  

 Xogando, as crianzas xunto cos seus acompañantes, puideron aprender como son as colmeas é como as abellas producen o mel, a cera, e outros productos relacionados coa súa actividade, e contribúen a polinización, un labor tan importante para o ser humano e para a biodiversidade en xeral.

 Tamén se tratou sobre as plantas aromáticas e a súa importancia, ademais de facer uns pequenos saquiños para poder deixar a serenar en auga na noite de san Xoan e lavarse a faciana o día seguinte pola mañá. Por ese motivo o concello repartiu a cada participante un ramiño coas plantas e flores para que esa noite as crianzas da Guarda as puxesen a remollo.  

 O concello quere agradecer a Asociación Cultural Alfombras da Guarda que sempre está disposta a colaborar e encargouse da realización dos ramos, para así perdurar unha tradición que facían as nosas avoas, as nosas nais e para que continúe nas xeracións máis novas.