Tomiño prepárase para acoller un tramo da I Volta Ciclista ó Baixo Miño
A cita será o vindeiro 4 de xuño cun percorrido de 125 km con saída dende Oia
Infogauda / Tomiño
Tomiño prepárase para acoller un tramo da primeira edición da Volta Ciclista ó Baixo Miño, unha proba organizada polo Team Oiense en colaboración co Concello de Tomiño e co resto dos concellos da comarca, dirixido a deportistas Élite e Sub 23 e puntuable para o ránking nacional e a Copa Galicia nestas dúas categorías.
Xa está aberta a inscrición para participar nesta proba que acollerá a ata 200 deportistas e que se celebrará o vindeiro 4 de xuño. Será un percorrido de 125 quilómetros con saída ás 10.00 horas dende o Mosteiro de Oia e ás 13.15 h dende o campo de fútbol deste mesmo municipio.
O concelleiro de Deportes, Fran Campo, convidou á veciñanza a desfrutar desta nova proba que promete convertirse nunha cita destacada no calendario deportivo da comarca a nivel rexional e nacional.
Ningún comentario:
Publicar un comentario