DEPORTES

Alfonso Rueda felicita o Mecalia Atlético Guardés pola súa Medalla de Prata na Copa de Europa de balonmán feminino 

• O presidente da Xunta de Galicia recibiu no Pazo de Raxoi o equipo que acaba de disputar a final en Turquía 

O titular do Goberno galego, acompañado do vicepresidente segundo e conselleiro de Presidencia, Xustiza e Deportes, Diego Calvo, e o secretario xeral para o Deporte, José Ramón Lete Lasa, recibiu no Pazo de Raxoi o equipo da Guarda

Fotos: X.G.

Alfonso Rueda felicitou persoalmente a todas ás xogadoras. equipo técnico e membros da xunta directiva do Mecalia Atlético Guardés 

O titular do Goberno galego amosando unha camiseta do Mecalia Atlético Guardés, asinada por todas as xogadoras

Infogauda / Deportes 

  O presidente da Xunta de Galicia, Alfonso Rueda, felicitou hoxe o Mecalia Atlético Guardés pola súa Medalla de Prata na Copa de Europa de balonmán feminino. O titular do Goberno galego, acompañado do vicepresidente segundo e conselleiro de Presidencia, Xustiza e Deportes, Diego Calvo, e o secretario xeral para o Deporte, José Ramón Lete Lasa, recibiu no Pazo de Raxoi o equipo da Guarda que acaba de disputar a final en Turquía, onde acadou a segunda posición da competición europea.

 “Para nós gañastes”, transmitiulles o mandatario galego ás xogadoras, ás que lle recoñeceu o “mérito” de acadar este posto, xa que é o primeiro equipo do balonmán feminino galego que chega a unha final europea. Rueda tamén lles deu os seus parabéns —que estendeu a todo o equipo técnico— pola entrega e polo futuro que lles agarda, confiando en que, en posteriores citas nos campionatos internacionais, as xogadoras galegas acaden o máis alto do podio.

 

 O titular do Goberno galego enxalzou a traxectoria dun conxunto pioneiro na liga nacional que xa no seu día recibiu o premio Deporte Galego ao mellor equipo feminino de Galicia e que estivo dez tempadas seguidas xogando en Europa. Por todo este esforzo, considerou necesario o recibimento institucional ofrecido. “É como se vos recibise toda Galicia porque, se somos un grande equipo, vós sodes un dos grandes equipos de Galicia”, aseverou.