A Guarda recibirá do 24 ao 26 de outubro a unidade móbil de Coidados porta a porta
• É preciso pedir cita previa chamando ao teléfono 622 748 283
Foto: C.A.G.
Infogauda / A Guarda
A unidade móbil do programa de Coidados porta a porta estará instalada na Finca de Fínola entre o 24 e o 26 de outubro, ambos incluidos.
Para esta visita na Guarda da devandita unidade móbil de coidados sociosanitarios, é preciso pedir cita previa chamando ao número de teléfono 622 748 283 ou contactar a través do enderezo de correo electrónico coidadosportaaporta.politicasocial@xunta.gal
As consultas ofertadas consisten en revisións e valoracións auditivas; atención podolóxica para prevención, diagnose e tratamento das principais patoloxías dos pés; e realización de probas de valoración cognitiva ou exercicios de estimulación para a prevención de Alzhéimer e outras demencias neurodexenerativas.
Estes servizos sociosanitarios mediante unidades móbiles están pensados para achegar a atención as zonas rurais con dispersión poboacional. Plantéanse coma unha alternativa para evitar desprazamentos e levar achegar os servizos a cidadanía.
Ningún comentario:
Publicar un comentario