A GUARDA

O Concello conta cun novo escenario de plataforma baixa e 150 cadeiras para eventos 

Grazas ao remanente do Plan Concellos 2019 da Deputación de Pontevedra por un valor de 11.912,14€

 

O escenario e as cadeiras mercadas polo Concello de A Guarda xa foron utilizadas en varias actividades realizadas este verán

Foto: C.A.G.

Infogauda / A Guarda

 O equipo de goberno local que preside o alcalde Antonio Lomba Baz, fixo público no día de hoxe que o Concello de A Guarda, a través da Concellería de Cultura, mercou un escenario de plataforma baixa e 150 cadeiras, grazas ao remanente do Plan Concellos 2019 da Deputación de Pontevedra por un valor de 11.912,14€. 

 O escenario modular - fabricado en  L´Alcúdia - Valencia - é unha plataforma cuxas dimensións máximas son 8x6m (48m2), con patas telescópicas regulables, en alturas comprendidas entre os 40 e 60cms, que permiten adaptalo a diferentes espazos. 

 Ademáis, a través da devandita subvención mercáronse un total de 150 cadeiras plegables, con 3 carros para o seu transporte, o que facilita o seu traslado e uso en eventos culturais. Son cadeiras lixeiras, confortables e sólidas que permiten unha fácil manipulación. 

 Este novo equipamento vén a cubrir necesidades específicas de certos eventos culturais motivadas pola pandemia da COVID-19, para mellorar a calidade técnico-artística de numerosas actividades que se celebran ao longo do ano na vila da Guarda. 

 Desde o equipo de goberno municipal destacan que "esta adquisición permite achegar ao público diferentes formatos culturais, amais de dispór dunha nova plataforma que mellora a conexión entre o público e os artistas."