ANABAM REANUDA Á PUBLICACIÓN DO SEU BOLETÍN CARRIZAL
Ricardo Rodríguez Vicente / A Guarda
Adxuntando unha nota subscrita por ANABAM indicando que "por problemas informáticos, non puidemos publicar no seu momento os números correspondentes a:
- marzo/abril
- maio/xuño
- xullo/agosto
O correspondente a marzo/abril vai agora, unha vez solucionados os problemas logo de recuperar os artigos e deseño.
Nas vindeiras semanas iremos publicando os dous restantes números para a continuación seguir ao ritmo normal.
Pedimos disculpas por iso a tódalas persoas lectoras desta publicación"; vimos de recibir o boletín Carrizal, nº 6 (Época II), correspondente a marzo/abril de 2021.
Ao tempo que agradecemos a Agustín Ferreira Lorenzo, presidente da Asociación Naturalista "Baixo Miño" (ANABAM), e a súa vez, editor-coordinador do boletín Carrizal, que unha vez máis tivese a xenerosidade de achegarse ata a Redacción de Infogauda para facernos entrega dun exemplar de Carrizal, xesto que agradecemos de todo corazón, queremos indicar que no contido do devandito boletín de ANABAM, figuran os seguintes artigos:
· O urbanismo de Santa Trega, de Antón Ferreira Lorenzo.
· As sobreiras da Madalena en Eiras, de Xoán [Carlos] Gándara.
· Primeiro rexistro dun ave anelada na Guarda, recopilado por Antón Ferreira Lorenzo, de "La Voz de la Verdad", no seu número de 25 de novembro de 1911.
· Urces e carrascos da Serra da Groba, de Afonso Salvador Rodríguez González.
· Synema globosum. Araña Napoleón, de Agustín Ferreira Lorenzo.
· Proxecto Animais silvestres atropelados, de Xabier Pim.
· Avaliación da potencial contaminación no porto da Guarda, por TBT usando Nucella lapillus como bioindicador, de Daniel Zarco Fernández.
· Escaravellos do Baixo Miño. Oxyterea Funesta. Tropinota (Tropinota) Squalida squalida, de M. Javier Blanco Souto.
· Nomes populares de Actinia equina.
· Salpichroa origanifolia, de Agustín Ferreira Lorenzo.
· Cousas de ANABAM.
· A nosa historia.
Na portada deste número de Carrizal figura unha fotografía a toda cor, dun mazarico rabipinto (Limosa lapponica), do fotógrafo rosaleiro Luís Dorado Senra, autor a súa vez, doutra fotografía publicada nunha páxina interior.
No boletín tamén ollamos fotografías asinadas por Agufelo (seudónimo de Agustín Ferreira Lorenzo), e outras sen asinar polos autores dos diferentes artigos.
A publicación, impresa en offset e en papel reciclado, conta - como se indica na última páxina - cunha subvención do Concello de A Guarda.
Queremos salientar que ANABAM convida, unha vez máis, a todas aquelas persoas interesadas en coñecer a biodiversidade do Baixo Miño a suscreberse ao boletín Carrizal, xa que os socios da Asociación Naturalista "Baixo Miño", reciben a publicación de xeito gratuíto.
Asemade, as persoas que desexen publicar artigos orixinais neste boletín poden dirixirse a ANABAM por correo electrónico:
anabam.anabam@gmail.com
ou por WhatsApp:
616 180 557
Rematamos felicitando a ANABAM polo seu continuado labor de observación, defensa, protección, estudo e divulgación do patrimonio natural, etnográfico e cultural do Baixo Miño galego - portugués.
Ningún comentario:
Publicar un comentario