GALICIA

As praias galegas obteñen 111 bandeiras azuis e a comunidade suma o maior número de sendeiros galardoados do Estado  

· Galicia recibe un total de 155 distintivos entre areais, portos deportivos, sendeiros azuis e centros azuis

· A Guarda acadou novamente dúas bandeiras azuis -para ás praias de Area Grande e O Forte (Camposancos), respectivamente - e tamén o recoñecemento do Sendeiro Azul para á Senda Litoral

As praias de Area Grande e o Forte (Camposancos), voltan a ser recoñecidas coas Bandeiras Azuis

Fotos: Infogauda

Infogauda / Galicia

 As praias galegas obtiveron este ano un total de 111 bandeiras azuis e, ademais, a Comunidade sitúase á cabeza de todo o Estado en número de sendeiros azuis, con 20. Así, Galicia sitúase entre as autonomías máis galardoadas pola Asociación de educación ambiental e do consumidor (Adeac), cun global de 155 distintivos entre areais, portos deportivos, sendeiros azuis e centros azuis.

 Con 111 bandeiras para as súas praias, catro máis que o ano anterior, a Comunidade acapara preto do 20% das outorgadas en toda España. En total, hai 34 municipios premiados, un máis que na pasada edición, dos cales 12 son da provincia de Pontevedra (58 praias), 14 da Coruña (35 praias) e 8 de Lugo (18 praias). Salienta o feito de que o areal do Lago das Pontes (As Pontes) recibe por primeira vez este galardón.

 En canto ás bandeiras para portos deportivos, son un total de 11 (6 en Pontevedra, 6 na Coruña e 1 en Lugo); os centros azuis galardoados son 13 (6 en Pontevedra, 4 na Coruña e 3 en Lugo); e a vintena de sendeiros distribúense entre os 9 de Pontevedra —que en total, ao ser algún unha rede, son 18 rutas—, os 6 da Coruña e os 5 de Lugo.

 Nesta edición, Sanxenxo volve repetir o concello tanto de Galicia como do conxunto do Estado con máis bandeiras azuis nas súas praias, con 17, ademais de sumar distincións para tres portos deportivos, unha rede de sendeiros e un centro. Na provincia de Pontevedra, destacan tamén a cidade de Vigo, que suma 10 areais e unha rede de sendeiros; Cangas do Morrazo (7 praias, un porto e un sendeiro); Marín (5 praias, dous centros e unha rede de sendeiros); Baiona (6 praias e un porto), que nesta edición recupera o distintivo para os areais de Barbeira, Concheira, Os Frades, Ladeira, Ribeira e Santa Marta; e A Guarda (dúas praias - Area Grande e O Forte (Campsoancos) e un sendeiro: Senda Litoral de A Guarda).

 Na provincia da Coruña, o municipio de Arteixo é o que máis bandeiras azuis obtén para as súas praias, un total de 7; seguido da cidade da Coruña (5 areais, ademais dun porto e un sendeiro); e Oleiros (5 areais e tamén un sendeiro).

 Polo que respecta á provincia de Lugo, Foz volve ser o concello con máis praias galardoadas, con 5: A Rapadoira, Areoura, As Polas, Llas e Peizás; mentres que Barreiros recupera a bandeira azul para o areal das Pasadas, ademais de continuar con bandeira nas de Acantilado-Remior e Coto.

Criterios de excelencia

 Os criterios esixidos para a obtención de bandeiras azuis en praias e portos están relacionados coa calidade das augas, que ten que ser excelente, a seguridade, a completa dotación de servizos, a accesibilidade, a atinada xestión ambiental e a sustentabilidade dos areais e das dársenas. Pola súa parte, os centros e sendeiros azuis deben fomentar a educación ambiental no litoral, o coñecemento da contorna e as alternativas de ocio.

 O municipio que queira optar a estas distincións debe presentar un dossier xustificativo da súa proposta, así como, ao ano seguinte, unha memoria de actividade, xunto coa súa candidatura, que acredite o mantemento da súa condición en anos sucesivos.

 A Xunta felicita a todos os concellos galardoados con estes distintivos polo recoñecemento que supoñen á calidade e aos servizos das súas praias, portos, sendeiros e centros. Así mesmo, tamén cómpre subliñar o esforzo realizado o ano pasado polos municipios para acadar os estándares de seguridade esixidos neste tipo de espazos por mor da covid, reforzando así a imaxe de Galicia como destino turístico seguro.

 Neste sentido, hai que lembrar que debido á pandemia moitos concellos costeiros adoptaron solucións tecnolóxicas ou mesmo contrataron persoal de vixilancia para controlar o aforo nas praias durante o verán, ao tempo que reforzaron as medidas de hixiene e limpeza de acordo coas recomendacións das autoridades sanitarias.

A continuación detállanse os galardóns desta edición:

PRAIAS CON BANDEIRA AZUL EN 2021    

PROVINCIA DA CORUÑA  

14 concellos / 35 areais    

A Coruña: As Lapas,  Orzán-Matadero,   Oza,   Riazor,   San Amaro,   

A Laracha: Caión

Arteixo: A Hucha,   A Salsa (Repibelo),   Barrañán,   Combouzas,   O Reiro,   Sabón,   Valcobo

As Pontes: Lago das Pontes

Bergondo: Gandarío

Camariñas: Arou

Carballo:Pedra do Sal,   Razo,   Saíñas   

Dumbría: O Ézaro,   

Ferrol: A Fragata-Pareixal,   Doniños,   Esmell,  San Xurxo

Laxe: Laxe   

Miño: Perbes-Andahío   

Oleiros: Bastiagueiro,   Espiñeiro,   Mera,  Naval,  Santa Cristina   

Ponteceso A Ermida,   Balarés,  O Osmo   

Ribeira: Coroso       

PROVINCIA DE LUGO  

8 concellos / 18 areais  

Barreiros:  Acantilado-Remior, Coto, As Pasadas

Burela: A Marosa, O Portelo, Ril 

Cervo: O Torno 

Foz: A Rapadoira, Areoura, As Polas, Llas, Peizás O Vicedo: Abrela, Xilloi, 

Ribadeo: As Catedrais, Os Castros-Illas 

Viveiro: Area 

Xove: Esteiro       

PROVINCIA DE PONTEVEDRA  

12 concellos / 58 areais  

A Guarda: Area Grande e  O Forte (Camposancos)

Illa de Arousa: Area do Secada, Bao (Camaxe)

Baiona: Barbeira, Concheira, Frades, Ladeira, Ribeira, Santa Marta 

Bueu: Area de Bon, Lagos, Lapamán, Portomaior

Cangas: Areabrava, Areamilla, Liméns, Melide, Menduíña, Nerga, Rodeira 

Marín: Aguete, Loira, Mogor, Portocelo, Santo do Mar-A Coviña 

Moaña: O Con 

Poio: Cabeceira 

Ponte Caldelas; A Calzada 

Sanxenxo: A Lapa, Agra, Areas, Areas Gordas, Baltar, Bascuas, Canelas, Caneliñas, Espiñeiro, Foxos, Major, Montalvo, Nosa Señora da Lanzada, Panadeira, Paxariñas, Pragueira, Silgar 

Vigo: A Punta, Argazada, Canido, Carril, Fontaíña, Fortiñón, O Vao, Rodas (Illas Cíes), Samil, Tombo do Gato 

Vilagarcía de Arousa:  Campanario, Compostela    

PORTOS CON BANDEIRA AZUL EN 2021  

A Coruña: A Coruña Real Clube Náutico, A Coruña-Marina Real 

Boiro: Clube Náutico Boiro-Marina, Cabo de Cruz Sada: Clube Náutico Sada, Porto Deportivo Sadamar 

Porto do Son: Real Clube Náutico de Portosín 

Lugo: Real Clube Náutico de Ribadeo 

Pontevedra: Monte Real Club de Yates de Baiona, Porto Deportivo Cangas, Real Clube Náutico Sanxenxo, Clube Náutico Portonovo de Sanxenxo Porto Deportivo Juan Carlos I de Sanxenxo      

SENDEIROS AZUIS EN 2021  

*Cada rede de sendeiros contabiliza como un único sendeiro azul. 

 A Coruña

A Coruña:  A Coruña Senda Azul Litoral A Coruña A Laracha: Sendeiro de Saldoiro 

Arteixo: Senda Azul de Arteixo 

Camariñas: Ruta Litoral de Camariñas 

Carballo: Senda do Mar Razo-Baldaio 

Oleiros: Costa Libre 

Lugo

Burela: Ruta do Litoral Burelés 

Cervo Sendeiro Azul do Torno 

Foz: Paseo Rutas das Praias de Foz 

O Vicedo: Abrela-Punta Socastro (Fuciño do Porco) Ribadeo: Ruta do Faro de Illa Pancha a As Aceas 

Pontevedra 

A Guarda: Senda Litoral da Guarda 

A Illa de Arousa: Senda Perimetral Bao-Xastela Baiona: Sendeiro Litoral de Baiona 

Bueu: Sendeiro de Cabo Udra 

Cangas: Roteiro de Donón 

Marín: Rede Sendeiros Azuis de Marín* (Ruta Montes e Praias, Ruta das Praias e Ruta dos Cinco Miradoiros)  

Ponte Caldelas: Sendeiro do Río Verdugo 

Sanxenxo: Rede de Sendeiros de Sanxenxo* (Sendeiro Litoral Areas-Punta Festiñazo, Sendeiro Litoral Canelas-Punta Cabicastro, Sendeiro Litoral Montalvo-Major, Sendeiro Litoral Paxariñas-Montalvo, Sendeiro Máxico da Lanzada e Sendeiro Litoral Sanxenxo-Portonovo)  

Vigo: Rede de Sendeiros de Vigo* Senda de Ribeira e Litoral Camiño á Beiramar; Senda Entre Faros. Illas Cíes-Vigo; Senda Litoral e do Monte da Guía. Teis)       

CENTROS AZUIS EN 2021 

A Coruña 

Oleiros: Centro de Visitantes do Monumento Natural Costa de Dexo-Serantes,  CEIDA-Centro de Extensión Universitaria e Divulgación Ambiental de Galicia 

A Laracha: Centro de Interpretación dos Muíños de Auga da Costa da Morte Golmar  

Camariñas: Museo Man de Camelle 

Lugo 

Burela: Centro de Educación Medioambiental Gaia, Barco Museo Reina del Carmen 

Cervo: Carpintería de Ribeira Francisco Fra 

Pontevedra 

Bueu: Aula de Natureza Cabo Udra, Centro de Interpretación Agrelo 

Sanxenxo: Centro de Interpretación As Telleiras 

A Illa de Arousa:  Centro de Interpretación da Conserva 

Marín; Centro de Interpretación dos Petróglifos de Mogor , Ateneo Santa Cecilia