DEPORTES

ATLETISMO

Mª EMILIA RODRÍGUEZ BAZ, CAMPIOA DE GALICIA DE MARCHA EN ROTEIRO 

· A marchadora da Sociedade Atlética do Trega brillou na categoría Máster F-45, no 32º Campionato Galego da especialidade

Mª Emilia Rodríguez Baz loce con orgullo súa medalla de ouro, que logrou na proba do 10.000 metros de marcha en roteiro, proclamándose campioa de Galicia na categoría Máster F-45

Informa (fotografías e Redacción): Sociedade Atlética do Trega

 Esta pasada fin de semana celebrouse na Pobra do Caramiñal, o 32º Campionato Autonómico de marcha atlética en roteiro. Ata alí desprazáronse 3 atletas do club Sociedade Atlética do Trega, de Tomiño. 

 A máis destacada sen dúbida, foi a atleta Mª Emilia Rodríguez Baz (Milu), de A Guarda, que participou na proba dos 10.000 metros absoluta, que incluirían as categorías mixtas Sub18, Sub 20, Sub 23, Sénior e Máster.  Milu entrou en meta na 16ª posición da clasificación xeral, sendo a primeira na súa categoría (Máster 45) e 6ª feminina de todas as categorías, facendo marca persoal cun formidable rexistro de 58’37" e proclamándose campioa galega da categoría. 

Mª Emilia Rodríguez Baz - no centro do podio - coa súa medalla de ouro, que acredítaa como campioa de Galicia de marcha en roteiro na categoría Master F-45

 Na mesma proba tamén debutou a rosaleira Loli Martínez Vicente, que entrou en liña de meta na posición 21ª da clasificación xeral, cun tempo de 1 hora 12 minutos 18 segundos, quedando 5ª clasificada na categoría Máster 45. 

Milu, Lara e Loli, na Pobra do Caramiñal

 E por último tivemos a representación da tomiñesa Lara Álvarez Fernández, na proba de 3.000 metros en roteiro, na categoría Sub16, entrando en meta na posición 16ª da clasificada xeral, cun tempo de 21´09". 

 Moitas felicidades a  Milu e ás súas compañeiras do Club!