A GUARDA

Co novo 4G, conexións móbiles máis rápidas e mellor cobertura chegan á Guarda

• As operadoras de telefonía móbil comenzan a ofrecer na localidade guardesa, servizos 4G na banda de 800MHz  

• A nova tecnoloxía permitirá á veciñanza desfrutar de servizos de datos móbiles de alta velocidade, mellorará a cobertura no interior de edificios e ampliará a extensión xeográfica  

• Llega 800 é a entidade encargada de garantir a compatibilidade deste servizo 4G coa TDT na banda de 800 MHz 

Infogauda / A Guarda

 As operadoras de telefonía móbil, Telefónica, Vodafone e Orange, comezarán a ofrecer no municipio de A Guarda servizos sobre a rede 4G na banda 800 MHz, o que permitirá aos usuarios desfrutar de conexións móbiles de alta velocidade sobre tecnoloxía LTE (4G) cunha mellor cobertura no interior dos edificios e maior extensión xeográfica. Para garantir a compatibilidade da nova tecnoloxía coa Televisión Dixital Terrestre (TDT), os operadores puxeron en marcha llega800, entidade encargada de solucionar calquera afectación na recepción do sinal de televisión.    

 Coa chegada do novo 4G á Guarda continúa o proceso de implantación que se está realizando de forma paulatina por toda a xeografía nacional. Para comprobar as localidades onde xa están activos estes servizos pódese consultar na seguinte ligazón: https://www.llega800.es/listado-de-municipios-activos/   

Principais ventaxes: máis e mellor cobertura   

 Coa rede 4G abriuse a porta a innovadores servizos e aplicacións, ademais de proporcionar significativas melloras tanto na velocidade de descarga, como de envío de datos -fotos, música ou contidos audiovisuais de alta definición- ou permitir sacar o máximo partido a aplicacións online, como os videoxogos.    

 A rede 4G de telefonía móbil introduce dúas melloras fundamentais. A primeira é a solvencia dos diversos problemas relacionados coas orografías complicadas presentes na xeografía española onde tradicionalmente fallaba a cobertura. A segunda, é a gran penetración en zonas interiores dos edificios.  

 A nova xeración da tecnoloxía 4G tamén facilita a introdución de novos servizos na área empresarial e das administracións públicas, como aplicacións empresariais en mobilidade cun alto contido multimedia ou o uso da videochamada, entre outros.  

 Ademais, a maior cobertura que acada o 4G na banda de 800 MHz mellorará o servicio no interior de edificios e será a banda que permita estender xeográficamente o servizo de forma eficiente.   

Garantindo a compatibilidade do 4G e a TDT  

 Llega800 é a entidade xestora encargada de ofrecer os servizos que garantirán a compatibilidade entre a posta en marcha da emisión do 4G na banda 800 MHz e a recepción do servicio de TDT.   

 Para garantir esta compatibilidade, llega 800 presta aos cidadáns unha serie de servizos de balde que inclúen, por unha banda, unha actuación previa, grazas á cal os cidadáns que residan en zonas de maior afectación recibirán unha comunicación no seu domicilio que lles informará de que a partir dese momento poderán solicitar de forma gratuíta a adaptación da antena do seu edificio para evitar posibles incidencias.   

 E, por outra banda, un procedemento correctivo, tralo acendido das estacións, polo que llega 800 encargarase de atender aos usuarios afectados xestionando e resolvendo posibles afectacións tamén sen coste algún.   

 Para xestionar estes servizos, se puxo a disposición dos cidadáns un teléfono de atención gratuíto (900 833 999) e unha páxina web www.llega800.es.