OIA

Obradoiro interxeracional de bailes e cancións     

Últimos días para inscribirse

Infogauda / Oia

 Oia acollerá neste mes de decembro un obradoiro interxeracional de bailes e cancións, que se desenvolverá en Torroña no marco do programa Tecendo Lazos da Deputación de Pontevedra. O prazo de inscrición continúa aberto ata o próximo 13 de decembro.  

 A actividade denominada “Bailes e cancións de agora e de sempre”, vai dirixida a persoas adultas e menores a partir dos 6 anos.   

 As sesións terán lugar os días 23, 26, 27 e 30 de decembro nas Escolas de Torroña, en horario de 10:00 a 14:00 horas.   

 As persoas interesadas en participar neste obradoiro poden inscribirse no Concello de Oia (986 362 125) ata o venres día 13.