TOMIÑO

Volta “Medrando en Familia” cunha aposta clara por unha alimentación saudable 

Ao longo do último trimestre do ano, celebraranse varias charlas e obradoiros para familias con nenas e nenos pequenos

Infogauda / Tomiño

  Tras as vacacións de verán, regresa o programa “Medrando en Familia”, posto en marcha pola Concellería de Benestar Social do Concello de Tomiño. Trátase dun proxecto de intervención socio-comunitario que busca influír, fundamentalmente, no benestar dos máis cativos e cativas e dar resposta a ese intervalo de poboación que conforma a primeira infancia, e tamén á rede familiar.  

 Segundo explica Cristina Martínez, concelleira de Benestar, ”a través de encontros e obradoiros, este programa promove a estimulación nun sentido amplo, a adaptación da intervención ás necesidades da familia e en relación aos menores, propiciando aprendizaxes e cambios significativos na súa contorna”.  

 Varias charlas, encontros e obradoiros marcarán esta nova edición do programa, no que se fará especial fincapé na busca dunha alimentación saudable. Para lograr este obxectivo, a iniciativa propón un encontro (“Tres, dous,un…a comer) o luns 25 de novembro ás 17.30h, no Salón de plenos do Concello (haberá servizo de gardería pero é preciso inscribirse). Asemade, celebrarase un obradoiro sobre Nutrición infantil para familias con fillos/as de 0 a 24 meses (luns 2 de decembro ás 17.30h), e de +24 meses, o luns 9 de decembro ás 17.30h. Ambos os dous no Mercado Municipal.

Información das actividades 

Obradoiro estimulación temperá  

Medrando co meu BB de 0 a 6 meses  

Venres ás 16:30h  

Inicio 29 de novembro  

Medrando co meu BB de 6 a 12 meses  

Venres ás 17:00h  

Inicio 18 de outubro  

Medrando e xogando de 12 a 18 meses  

Venres ás 17:30h  

Inicio 25 de outubro 

Xogando e descubrindo de 18 a 36 meses  

Venres ás 18:30h  

Inicio 18 de outubro

Encontro “Tres, dous, un, a comer!”  

Luns 25 de novembro ás 17:30h  

Salón de plenos do Concello  

Nota: Haberá servizo de gardería (é preciso inscribirse)  

Obradoiro nutrición infantil  

Familias con fillos/as de 0 a 24 meses 

Luns 2 de decembro ás 17:30h 

Familias con fillos/as de +24 meses  

Luns 9 de decembro ás 17:30h