A GUARDA

Continúa a programación do Día da Biblioteca 

A segunda actividade terá lugar o vindeiro luns día 21 de outubro ás 18:00h na Biblioteca Pública Municipal

Infogauda / A Guarda 

 A Biblioteca Pública Municipal de A Guarda continúa coas actividades para conmemorar o día da Biblioteca 2019, que se celebra cada ano o 24 de outubro. O obxectivo destas iniciativas que se desenvolven neste mes, é a animación á lectura.  

 A segunda actividade terá lugar o vindeiro luns día 21 de outubro ás 18:00 horas cun contacontos moi especial a cargo de Anxo Avelino (Carballo con botas). 

 Chegan á biblioteca os teixos, freixos, bidueiros, aciñeiras, buxos..., para contar as súas historias, para aprender a abrazar as árbores, a coidar bosques, fragas, soutos, para plantar unha árbore que conte contos en defensa do futuro. 

 Espectáculo dirixido a público infantil: bebés,  nenas e nenos de 0 a 6 anos. 

Programación

 Luns 21

 Ás 18:00 horas

“Unha árbore vén a vernos" (Contos para abrazar ás árbores). Anxo Avelino (Carballo con Botas).

 Xoves 24

 Ás 18:00 horas

“Bibliotecas para mudar o cambio climático”. Efervesciencia. 

 Sábado 26

 Ás 11:30 horas

“Obradoiro de creación de teatros de papel”. Juste Kamishibai, Papel e Teatro.