A OMIX da Guarda organiza Obradoiros no Castelo
Os días 19 e 24 de xullo, na Fortaleza de Santa Cruz
Infogauda / A Guarda
O venres día 19 e o mércores día 24 de xullo de 10:00 a 13:00 horas, a Fortaleza de Santa Cruz acollerá dous obradoiros gratuítos especificamente destinados a mocidade da Guarda, de 12 anos en diante.
O obradoiro do venres día 19 de xullo terá como motivo «WATER», un obradoiro de experimentación científica relacionado coa auga.
O obradoiro do mércores día 24 de xullo terá coma protagonista ao medio ambiente. A través de xogos de equipo, xogos de rol e diferentes dinámicas, acompañado tamén dunha merenda ecolóxica, convidarase a mocidade a reflexionar a mocidade sobre os recursos naturais e a súa correcta xestión.
Para os dous obradoiros as persoas interesadas terán que inscribirse na OMIX do Concello da Guarda. As prazas son limitadas e as inscricións realizaranse no enderezo electrónico informacion@aguarda.es, a través do facebook da OMIX da Guarda ou no teléfono 986 610 000.
Ningún comentario:
Publicar un comentario