TURISMO

A  Confraría de Pescadores de A Guarda acollerá un Curso de Turismo Mariñeiro  

Infogauda / A Guarda

 O GALP Ría de Vigo – A Guarda organiza un curso sobre turismo mariñeiro cunha duración total de 10 horas repartidas ao longo de 3  xornadas. A acción formativa está especialmente adicada a persoas vencelladas ao sector pesqueiro, marisqueiro e acuícola e que terá lugar na Confraría de Pescadores Santa Tecla de A Guarda.  

 O curso dará comezo o vindeiro día 26 de febreiro de 16:00 a 20:00 horas, e entre o programa formativo inclúense accións e módulos sobre as características e beneficios do turismo mariñeiro, captación de público, amosar o porto e a lonxa como profesional do mar,  cultura mariñeira, deseño dun itinerario das instalacións portuarias, recepción de turistas, entre outros.  

 A actividade ten un cupo mínimo de 10 persoas e máximo de 25. Todas as persoas interesadas en participar deben enviar un correo a galpvigoaguarda@yahoo.es indicando o nome completo, DNI e entidade á que pertence.