A GUARDA

O Concello de A Guarda e o Consorcio da Zona Franca de Vigo tenden lazos de colaboración  

· O necesidade de rematar a infraestructura viaria entre Tui e A Guarda; o parque empresarial A Guarda - O Rosal e a  planta de transformación de productos da pesca, centraron o contido da visita institucional

O alcalde de A Guarda e membros do grupo municipal de goberno, co delegado do Consorcio da Zona Franca de Vigo

Fotos: C. A.G.

Infogauda / A Guarda

 Este sábado día 6 de outubro de 2018 o delegado do Consorcio da Zona Franca de Vigo, David Regades Fernández, realizou a primeira visita institucional ao Concello da Guarda, onde foi recibido polo alcalde Antonio Lomba Baz e parte da corporación local, asinando no libro de ouro do Concello. 

David Regades asinou, en presenza do alcalde, no libro de ouro do Concello

 Nesta primeira visita, David Regades mantivo unha xuntanza de traballo na que se trataron diversos temas para tender lazos de colaboración institucional entre o Consorcio da Zona Franca de Vigo e o Concello da Guarda.  

 Por unha banda, acordouse ampliar a área de influencia da Zona Franca de Vigo ata o Concello da Guarda, xa que o municipio forma parte da Área Metropolitana de Vigo. 

PARQUE EMPRESARIAL E INDUSTRIAL A GUARDA - O ROSAL

 Sobre o estado do Parque Empresarial e Industrial entre A Guarda e O Rosal, o Concello vai a facer un estudo de viabilidade dos distintos proxectos que neste momento están en marcha dentro do Plan Xeral, contando co apoio da Zona Franca para realizar futuras inversións se estes estudos teñen un balance positivo.  

 Outros dos temas desta xuntanza foi a necesidade de contar no municipio cun centro de formación, viveiro de empresas, aceleradora ou coworking, dende o Consorcio da Zona Franca de Vigo se apoia esta decisión e a valoran moi positivamente, quedando pendente de que o Concello facilite un local e se realice un proxecto de reforma do mesmo, para potenciar un intercambio de coñecementos e promover e fortalecer a actividade empresarial ao igual que xa se está facendo nos 6 espazos deste tipo promovidos dende o Consorcio da Zona Franca de Vigo en Baiona, Marín, Porriño, Vigo e Nigrán. 

O REMATE DA INFRAESTRUCTURA VIARIA ENTRE TUI E A GUARDA, TODA UNHA PRIORIDADE

 Tamén se tratou a necesidade da infraestrutura viaria entre Tui e A Guarda, que permita dinamizar a economía deste territorio e facilitar a loxística dos produtos que se fabriquen e comercialicen dende A Guarda, polo que o Consorcio da Zona Franca de Vigo vai a apoiar o remate desta necesaria infraestrutura, facendo un chamamento a dar un impulso dende as diferentes administracións, sobre todo á Xunta de Galicia que é a que ten responsabilidades nesta materia, coma garantía dos estudios de viabilidade dos parques empresariais deste territorio. 

O CONSORCIO DA ZONA FRANCA PARTICIPARÁ NA FEIRA DE EMPREGO E FORMACIÓN  

 Nesta xuntanza convidouse ao Consorcio da Zona Franca de Vigo a participar na vindeira Feira de emprego e formación “Tecnoimaxín”, que terá lugar na Guarda do 25 ao 27 de outubro, confirmando a súa asistencia o Delegado David Regades, así coma a participación nas ponencias que se van a celebrar dun técnico do Consorcio da Zona Franca de Vigo para falar dos diferentes proxectos que ten en marcha a Zona Franca e que apostan polo empresariado galego, aportando unha ferramenta para os empresarios e emprendedores da zona. 

O delegado do Consorcio da Zona Franca de Vigo, visitou a exposición Marcas dos Mariñeiros de Póvoa de Varzim e A Guarda

PLANTA DE TRANSFORMACIÓN DE PRODUTOS DA PESCA QUE PROMOVE OR.PA.GU.:UNHA INICIATIVA BEN RECIBIDA

O delegado do Concorcio da Zoa Franca de Vigo, acompañado polo alcalde e concelleiros, reuniuse coa xerente e o presidente de OR.PA.GU.

 Tralo remate desta reunión de traballo, o alcalde da Guarda, Antonio Lomba entregou a David Regades un agasallo conmemorativo desta primeira visita á Guarda, para desprazarse despois ata as instalacións da Organización de Palangreros Guardeses, onde foron recibidos pola súa xerente, Juana Parada e o seu presidente, Joaquín Cadilla, onde se abordou a iniciativa de OR.PA.GU. para a creación no municipio dunha planta de transformación de produtos da pesca que se instalaría no municipio, iniciativa que foi ben recibida dende o Consorcio da Zona Franca de Vigo e que contará co seu apoio.