A GUARDA

CULTURA

A AGRUPACIÓN CULTURAL GUARDESA ORGANIZA O ACTO DE ENTREGA DOS PREMIOS DO XXXII CERTAME DE POESÍA FELICIANO ROLÁN VICENTE

Que se celebrará o sábado día 14 de xullo, ás 20:30 h., no salón de actos do Centro Cultural da Vila

Ricardo Rodríguez Vicente / A Guarda

 A Agrupación Cultural Guardesa, entidade que preside Julia Sobrino González, convida a toda á cidadanía o acto de entrega de premios do XXXII Certame de Poesía Feliciano Rolán Vicente. 

 O evento, que terá lugar o sábado día 14 de xullo, ás 20:30 h., no salón de actos do Centro Cultural da Vila, contará coa participación da Coral do Club da Terceira Idade e Pensionistas de A Guarda, dirixida por David González Sobrino.

 Como xa informamos oportunamente, o xurado acordou premiar aos seguintes poetas: 

1º Premio: Manuel Álvarez Álvarez, de A Gándara (A Guarda), polo poema “dona marta lúcia” 

2º Premio: Carmeliña García Pereira, de Vigo, polo poema “O Moucho” 

3º Premio: Sonia Pérez Pedrosa, de Adra (Almería), polo poema “E Non” 

 O XXXII Certame de Poesía Feliciano Rolán Vicente conta co patrocinio do Concello de A Guarda e da Deputación de Pontevedra.