27 de xul. de 2018

A GUARDA

O BNG acusa ao alcalde da Guarda de mentir e de xogar coa veciñanza da Cruzada  

Ángel Luis Baz Vicente (portavoz municipal do BNG, na Corporación Municipal do Concello de A Guarda): “O alcalde incumpre o acordo plenario atrasando a execución da obra máis de dous anos e deixando fora do proxecto a metade da rúa e a propia praza-miradoiro de San Caetano”    
Ángel Luis Baz Vicente, portavoz municipal do BNG, na Corporación Municipal do Concello de A Guarda

Infogauda / A Guarda

 O BNG quere denunciar o escurantismo que o grupo de goberno do PSOE mantén con esta formación política ao negarlle o aceso a este expediente como ten acontecido con outros anteriormente. Xa levamos 12 días á espera desde a segunda petición, 24 días desde a primeira petición. Esa é a valoración que fai  Ángel Luis Baz Vicente, portavoz municipal do BNG, na Corporación Municipal do Concello de A Guarda.

 Ángel Luis Baz relembra que “o aceso a este tipo de información e un dereito que como representantes dos veciños temos para a fiscalización do traballo do goberno. Un dereito que dende vai anos se nos está negando. A pregunta é: por que se non se nos permite acceder ao proxecto de obra?”.  

 O BNG - engade o portavoz nacionalista - non entende o desprezo co que o goberno do PSOE trata ao barrio da Cruzada, tendo en conta a falta de investimentos nesta zona da Guarda dende hai moitos anos

 “Incomprensíbel o estado de abandono ao que está sometido o espazo da capela de San Caetano, un dos miradoiros máis emblemáticos da vila xunto cos de Santa Trega”, subliña o BNG.  

 Desde a formación nacionalista non dubidan en afirma: Para o BNG queda claro que o abandono ao que está sometido este barrio tradúcese en continuas roturas no saneamento publico, en insoportables filtracións nas vivendas que levaron á desesperación e mobilización das veciñas e veciños do barrio, á recollida de máis de 500 sinaturas e á presenza física no pleno onde se debatía a moción para a humanización urxente da rúa.    

 O BNG esixe a reforma integral da rúa San Caetano e non nunha reforma parcial, como así foi acordado en pleno, conclúe Ángel Luis Baz Vicente.

Ningún comentario:

Publicar un comentario