TUI

Presentación do libro Meirás, un pazo, un caudillo, un espolio  

O xoves 19 de abril, ás 20:00 h., na Sala Xacobeo, da Area Panorámica de Tui

Infogauda / Tui

 A Sala Xacobeo, da Area Panorámica de Tui, acollerá o xoves, 19 de abril, as 20:00 horas, o acto de presentación do libro Meirás, un pazo, un caudillo, un espolio, editado pola Fundación Galiza Sempre.  

 O investigador Carlos Babío participará na presentación do libro; obra da que é co-autor con Manuel Pérez Lorenzo; nela achegan datos sobre o espolio do Pazo de Meirás. Os autores coa súa investigación aportan evidencias e a proba da ilegalidade da compra del Pazo e a participación das elites coruñesas na operación. Xuntos dedicaron anos á buscar en arquivos e obter testemuñas coas que desmontar a versión oficial de que se tratou “dun regalo do pobo da Coruña” ao ditador Franco.   

 Intervirán no acto acompañando a Carlos Babío, Marga do Val, escritora e en representación do Instituto de Estudios Agrarios Mártires de Sobredo, entidade que organiza a actividade; Manuel Váquez de la Cruz, de Levada Libre.  

 O IEAMSo, continúa con esta actividade o ciclo “Sobredo, 95 anos despois”, co que trata de divulgar asuntos de actualidade e que teñen conexión co traballo que desenvolven persoas e entidades na recuperación da memoria histórica sobre a realidade social que a ditadura franquista esfarelou; e tratou de eliminar con represión e sometemento a un ideario fascista, durante décadas.