CULTURA

II INTERCAMBIO CULTURAL OIA - OIà

Cristina Correa / Oia 

 Os días 20, 21 e 22 de abril, os estudantes do Concello de Oia, visitan a Freguesía de Oiã (Portugal), para participar no II Intercambio cultural que se celebra entre ambos pobos irmanados.   

 Esta é unha oportunidade especial que teñen os nosos estudantes para coñecer novos amigos, coñecer unha nova cultura, e fortalecer lazos de amizade entre as familias de ambos pobos irmáns.  

 É a xornada de volta, xa que os pasados 6, 7 e 8 de abril, foron os alumnos da Freguesía de Oiã os que visitaron o noso Concello, convivindo con familias de estudantes.  

 En total participan 32 escolares de 5º e 6º de primaria, dos colexios CEIP Mestre Manuel García, CEIP Refoxos e Escola Básica Dr. Fernando Peixinho, de Oiã.