A OMIX promove un obradoiro de sketching
En colaboración coa Escola Superior Gallaecia
Infogauda / A Guarda
A Oficina de Información á Xuventude (OMIX) do Concello da Guarda vén de abrir o prazo de inscrición no obradoiro de sketching que se celebrará en maio en colaboración coa Escola Superior Gallaecia.
O taller de artes plásticas centrarase na elaboración de bosquexos, principalmente de elementos urbanos e obxectos varios, facendo deles unha obra artística. O obradoiro impartirase no antigo colexio Sinde os días 8 (de 15:00 a 18:00 h) e 9 de maio (de 16:00 a 18:00 horas).
Durante as 5 horas de formación, os participantes poderán adquirir as ferramentas necesarias para sacar proveito as súas habilidades plásticas, combinando o deseño cos recursos e materiais propios desta disciplina artística.
As persoas interesadas poderán inscribirse de balde na OMIX, chamando ao teléfono 986 614 546 ou ben a través do correo electrónico informacion@aguarda.es.
Ningún comentario:
Publicar un comentario