O Concello da Guarda insta á Xunta a arranxar a deteriorada marquesiña da Gándara
Infogauda / A Guarda
Adxuntando ás fotografías que reproducimos, a Concellería de Tráfico, do Concello de A Guarda ven de remesar a este xornal dixital, o seguinte comunicado:
“Dende a Concellaría de Tráfico instamos á Dirección Xeral de Mobilidade a arranxar a marquesiña situada na estrada PO 552 á altura do no barrio da Gándara, pois esta carece de tellado e os asentos presentan puntas que poden resultar perigosas para as e os usuarios.
Postos en contacto co órgano dependente da Xunta de Galicia, pasados xa 8 meses, estes non só non teñen arranxado a marquesiña da que son competentes, senón que tampouco contestaron ao escrito, no que se urxía a reparación da cuberta.
Coñecedores de que son numerosos os veciños e veciñas que a usan e deben soportar as inclemencias do tempo, dende o Concello compartimos a indignación da veciñanza e o lema da pancarta que estes días apareceu na devandita parada de autobús, pois dado o estado actual da marquesiña, a situación pode describirse como vergoñosa.
Así as cousas, instamos novamente á Xunta de Galicia a que repoña ou repare a cuberta no barrio da Gándara na maior brevidade posible”.
Ningún comentario:
Publicar un comentario