O club “Sen Amarras”, de Tomiño, organiza a primeira proba de slálom motonáutica do II Campionato Galego Integrador
Será este sábado, no parque náutico de Castrelo de Miño
Monitor e usuarios do club deportivo “Sen Amarras”, de Tomiño
Foto: C.T.
Infogauda / Castrelo de Miño
O club deportivo “Sen Amarras”, de Tomiño, organiza este sábado, entre as 12:00 e as 19:00 horas, no parque náutico de Castrelo de Miño, a primeira proba slalom motonáutica do II Campionato Galego Integrador.
A principal característica da proba é a integración. Os equipos están formados por persoas con e sen discapacidade, utilizando unha embarcación adaptada que pode ser patroneada de maneira fácil e sinxela. Sendo máis importante o correcto desenrolo do trazado, e non o tempo de este, por tratarse dunha proba de regularidade.
As inscricións péchanse o 12 de maio, pudendo realizar estas de 3 maneiras diferentes:
· Por teléfono: 986623044.
· Por correo electrónico: senamarras@gmail.com.
· Nas instalacións de Vontade en Rúa A Rocha, 19 B (36740), Tomiño.
Ningún comentario:
Publicar un comentario